قازاقستان مەن قىرعىزستان شەكاراسىندا جۇك كولىكتەرى شاقىرىمداپ كەزەكتە تۇر
ۆەدومستۆونىڭ مالىمەتىنشە، 13:00 دەگى جاعداي بويىنشا «اك-تىلەك-اۆتودوروجنىي» باقىلاۋ- وتكىزۋ بەكەتىنىڭ الدىندا 493 جۇك كولىگى مەن «كەن-بۋلۋن-اۆتودوروجنىي» باقىلاۋ-وتكىزۋ بەكەتىندە 146 كولىك تۇر. وتكەن تاۋلىكتە قىرعىزستاننان قازاقستانعا 112 كولىك قۇرالى شىقتى. قىرعىز تاراپىنان وتكىزۋ پۋنكتتەرى كۇندەلىكتى رەجيمدە جۇمىس ىستەيتىنى اتاپ ءوتىلدى.
قىرعىزستاننىڭ شۋ وبلىسىندا «اق-تىلەك-اۆتوجول» ءبوب الدىندا شاتىرلى كومەك پۋنكتتەرى اشىلدى. وندا جۇرگىزۋشىلەر مەن جۇك تاسىمالداۋشىلارعا مەديتسينالىق، پسيحولوگيالىق، كونسۋلتاتسيالىق كومەك كورسەتىلەدى. سونداي-اق ىستىق تاماق بەرۋ جۇمىسى ۇيىمداستىرىلادى. بۇعان دەيىن قىرعىز رەسپۋبليكاسىمەن شەكارا ۋچاسكەسىندە 370 تەن استام جۇك كولىگى تۇرعانى حابارلانعان بولاتىن. ونىڭ سەبەبىن ق ر پرەمەر-ءمينيسترىنىڭ ورىنباسارى - قارجى ءمينيسترى ەرۇلان جاماۋبايەۆ ايتتى.