مەككەدە قاتتى داۋىل سوعىپ، ءبىرقاتار ايماق زارداپ شەكتى
اۋا رايىنىڭ قولايسىزدىعىنان مەككە مەن جيددا قالالارى، سونداي-اق باسقا دا ءبىرقاتار ايماق زارداپ شەكتى. جەلدىڭ قاتتى بولعانى سونشا، اۋىر زاتتار دا ۇشىپ كەتتى. ەكپىندى جەل مەككەگە ۋمرا قاجىلىققا كەلگەندەردىڭ قوزعالىسىنا قاۋىپ ءتوندىردى. كەيبىر ۆيدەولاردان جيددانىڭ سولتۇستىك شىعىسىنداعى اسفان-روۋدتا جەل مەن نوسەر سالدارىنان ەلەكتر باعاندارىنىڭ قۇلاپ جاتقانىن كورۋگە بولادى.
بۇعان دەيىن جيددادا داۋىل سوعىپ، اسپاندى شاڭ باسىپ قالعانى حابارلانعان بولاتىن. ال ۋمرا قاجىلىعىن وتەۋشىلەر قۇلشىلىقتارىن جاڭبىر استىندا جالعاستىردى. سەيسەنبى كۇنى تاڭەرتەڭ ساۋد ارابياسىنىڭ ۇلتتىق مەتەرەولوگيالىق ورتالىعى ەلدىڭ الداعى 24 ساعاتقا ارنالعان اۋا رايى جاعدايىن سيپاتتايتىن ەسكەرتۋ جاريالادى. ەسكەرتۋگە سايكەس، ءمادينا، مەككە، اسير، دجازان جانە ءال-باحا سياقتى ايماقتاردا داۋىلمەن بىرگە نايزاعاي ويناۋى مۇمكىن.
نادجران جانە تابۋك ايماقتارىندا داۋىل سوعادى دەپ بولجانادى. حافر ءال-باتين، ءال-سامان جانە رافحتا اۋا تەمپەراتۋراسى 47 گرادۋسقا دەيىن كوتەرىلسە، ءال-سۋدتا بار-جوعى 14 گرادۋس بولدى، ال ىلعالدىلىق دەڭگەيى � جەتتى.