ەلىمىزدە گازدى تۇتىنۋ كولەمى ارتتى: ۇكىمەت جاڭا كەن ورىندارىن يگەرۋدى باستاماق

استانا. قازاقپارات - ۇكىمەتتە ق ر پرەمەر-ءمينيسترى ءاليحان سمايىلوۆتىڭ توراعالىعىمەن وتكەن كەڭەستە ىشكى نارىقتىڭ قاجەتتىلىگىن تولىق قامتاماسىز ەتۋ ءۇشىن سۇيىتىلعان مۇناي گازىن ءوندىرۋدى ۇلعايتۋ شارالارى قارالدى.

بۇل تۋرالى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ حابارلايدى.

باسپا ءسوز قىزمەتىنىڭ مالىمەتتەرىنە قاراعاندا، جيىندا ەلىمىزدە گاز تۇتىنۋ كولەمى جىل سايىن ارتىپ كەلە جاتقانى، اتاپ ايتقاندا، وتكەن جىلدىڭ قورىتىندىسىنا سايكەس بۇل كورسەتكىش 1,8 ميلليون توننانى قۇراعانى ايتىلدى.

بۇل كولەمنىڭ e عا جۋىعى اۆتوكولىكتەرگە، % ونەركاسىپ كاسىپورىندارىنا،  حالىقتىڭ قاجەتتىلىكتەرىنە جانە باسقا دا سالالارعا جۇمسالدى.

2023-جىلعى بولجامدى گاز تۇتىنۋ كولەمى 1,9 ميلليون توننانى قۇرايدى.

ارتىپ كەلە جاتقان قاجەتتىلىكتەردى وتەۋ ءۇشىن ءبىرقاتار كەلەشەگى بار جاڭا كەن ورىندارى يگەرىلە باستايدى. ولاردان العاشقى وندىرىلگەن گازدى وسى جىلدىڭ سوڭىنا دەيىن الۋ جوسپارلانىپ وتىر.

پرەمەر-مينيستر جانار-جاعارماي نارىعىنداعى جاعدايدى ۇدايى باقىلاۋدىڭ جانە ازاماتتاردى، ونەركاسىپ كاسىپورىندارى مەن الەۋمەتتىك مەكەمەلەردى ۇزدىكسىز قامتاماسىز ەتۋ ءۇشىن جوسپارلانعان جوبالاردى ۋاقتىلى ىسكە اسىرۋدىڭ ماڭىزدى ەكەنىن اتاپ ءوتتى.