استانالىق جاستارعا ارنالعان نەسيە باعدارلاماسى ىسكە قوسىلدى
«بىزدە جاستارعا ارنالعان نەسيە باعدارلاماسى بار. 35 جاسقا دەيىنگى ازاماتتار 5 جىلعا دەيىن 2,5 پايىزبەن 5 ميلليون تەڭگە نەسيە الا الادى»، - دەدى ولجاس ومار قالالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
سونداي-اق، سپيكەر اقىلى قوعامدىق جۇمىستارى تۋرالى ايتتى.
جۇمىسسىزداردا، ستۋدەنتتەردە جانە جالپى ءبىلىم بەرەتىن مەكتەپتەردىڭ جوعارى سىنىپ وقۋشىلارىنا وقۋدان بوس ۋاقىتىندا اقىلى قوعامدىق جۇمىس ىستەۋگە مۇمكىندىك بار. جاستار 35 ا ە ك مولشەرىندە تۇراقتى جالاقى الىپ، ءبىر جىل بويى جۇمىس ىستەي الادى. باعدارلامانىڭ ارقاسىندا 2000 نان استام ادام جۇمىسقا ورنالاستىرىلدى. جۇمىسسىز جانە جۇمىس ىزدەپ جۇرگەن ازاماتتار enbek.kz ەلەكتروندىق ەڭبەك بيرجاسىنا تىركەلە الادى، egov.kz پورتالىندا نەمەسە بەيبىتشىلىك كوشەسى 9 مەكەنجايىنا تىكەلەي كەلىپ بىلۋگە بولادى»، - دەيدى ول.