الداعى ءۇش كۇندە ەلىمىزدىڭ باسىم بولىگىندە جاڭبىر جاۋىپ، تەمپەراتۋرا تومەندەيدى

استانا. قازاقپارات - 24-26-تامىز كۇندەرى قازاقستاننىڭ باسىم بولىگىندە كۇن قۇبىلمالى بولادى، نايزاعاي جارقىلداپ، قاتتى جەل سوعىپ، جاڭبىر جاۋادى، بۇرشاق جاۋۋى ىقتيمال.

بۇل تۋرالى قازاقپارات «قازگيدرومەت» ر م ك-عا سىلتەمە جاساپ حابارلايدى.

«رەسپۋبليكانىڭ باتىسىندا، سولتۇستىك- باتىسىندا، سولتۇستىگىندە جانە شىعىسىندا قاتتى جاڭبىر جاۋىپ، اۋا تەمپەراتۋراسىنىڭ بىرتىندەپ تومەندەۋى بولجانۋدا. اۋا تەمپەراتۋراسى رەسپۋبليكانىڭ اسىرەسە سولتۇستىك وڭىرلەرىندە قاتتى تومەندەيدى. سولتۇستىكتەگى اۋا تەمپەراتۋراسى تۇندە 7-12+ گرادۋس بولسا، كۇندىز تەرمومەتر باعانالارى 17-22+ گرادۋسقا دەيىن تومەندەيدى. قازاقستاننىڭ تەك وڭتۇستىگى مەن وڭتۇستىك- شىعىسىندا تەمپەراتۋرالىق فوندا ايتارلىقتاي وزگەرىستەر جوق. مۇنداعى كۇن نەگىزىنەن جاۋىن- شاشىنسىز بولادى دەپ بولجانۋدا»، - دەلىنگەن سينوپتيكتەردىڭ حابارلاماسىندا.