استانداعى ل ر ت قۇرىلىس الاڭىندا ءىلىنىپ تۇرعان ەرەكشە باننەرلەرگە قاتىستى تۇسىنىك بەردى

استانا. قازاقپارات - «استانا LRT» سەرىكتەستىگى قۇرىلىس الاڭدارىنىڭ بىرىندە قىتاي جانە ورىس تىلدەرىندە جازىلىپ، ءىلىنىپ تۇرعان ەرەكشە باننەرگە قاتىستى تۇسىنىك بەردى، دەپ حابارلايدى قازاقپارات ءتىلشىسى.

«كاسىپورىن قاۋىپسىزدىك بويىنشا جەڭىمپاز. ءومىر - ارداقتاۋمەن باعالى»، - دەپ جازىلعان LRT- نىڭ قۇرىلىس الاڭىندا ءىلۋلى تۇرعان باننەردە.

بۇعان قاتىستى تۇسىنىك بەرگەن اتالعان كومپانيانىڭ باسپا ءسوز قىزمەتى مۇنداي باننەرلەر ارىپتەستەر اراسىنداعى بىرلىك نىعايتىپ، كورپوراتيۆتىك رۋحتى كوتەرۋگە باعىتتالعانىن ءتۇسىندىردى.

«مەردىگەرلەر كورپوراتيۆتىك رۋحتى نىعايتۋ ءۇشىن وسىنداي باننەرلەردى قولدانادى. مۇنداي قاۋىپسىزدىك جونىندەگى ەسكەرتپەلەر جازىلعان باننەرلەر جۇمىس ورىندارىندا دا ءىلۋلى تۇر»، - دەپ جاۋاپ بەردى LRT كومپانياسىنىڭ باسپا ءسوز قىزمەتىنەن ءتىلشى ساۋالىنا وراي.

ايتا كەتەيىك، «استانا LRT» جوباسىنىڭ باس مەردىگەرى قىتايلىق «China Railway Asia-Europe Construction Investment Co.، Ltd» كومپانياسى.