پاۆلوداردا توبەلەسكە قاتىسقان ەكى وقۋشى ونلاين وقيتىن بولدى
وڭىرلىك كوممۋنيكاتسيالار قىزمەتىندە وتكەن بريفينگىدە وبلىستىق ءبىلىم بەرۋ باسقارماسى باسشىسىنىڭ ورىنباسارى گۇلميرا باشيروۆا جاڭا وقۋ جىلىندا ەكى وقۋشى قالاي وقيتىنىن ايتتى.
«سوت وتكەن سوڭ شەشىمىن ايتامىز. تەرگەۋ ءجۇرىپ جاتقاندىقتان، قوسىمشا اقپارات بەرە المايمىز. ازىرشە ولار ءۇيقاماقتا وتىر، ءارى قاراي بۇل سۇراقتىڭ شەشىمىن ىزدەيمىز. ول ماسەلەنى بالالاردىڭ قۇقىقتارىن قورعاۋ كوميتەتى مەن پروكۋراتۋرامەن بىرلەسە وتىرىپ قاراستىرامىز. بۇل سۇراق بارلىق جاقتان تالدانادى. ولار دا ادام عوي، ەلىمىزدىڭ ازاماتى، كونستيتۋتسيالىق قۇقىعى بار»، - دەدى گۇلميرا باشيروۆا.
ونىڭ ايتۋىنشا، ءبىلىم باسقارماسى جاڭا وقۋ جىلىندا ولاردى قاشىقتان وقىتۋ فورماتىنا كوشىرۋ ءۇشىن بارلىق جاعدايدى جاسايدى.
ەسكە سالايىق، شىلدەنىڭ اياعىندا پاۆلودار كوشەلەرىنىڭ بىرىندە جاسوسپىرىمدەر اراسىندا توبەلەس بولعان. 14 جاستاعى جاس ءوسپىرىم بالانى بىرنەشە ادام ۇرىپ-سوقتى. وقۋشى بىرنەشە جەرىن جاراقاتتاپ، اۋرۋحاناعا جەتكىزىلگەن ەدى. پوليتسيا دەپارتامەنتى ق ر قىلمىستىق كودەكسىنىڭ 107-بابى 4-تارماعىنىڭ 2-بولىگى بويىنشا سوتقا دەيىنگى ءىستى قوزعاعان. كەيىن وبلىستىق پروكۋراتۋرا ونى ق ر قىلمىستىق كودەكسىنىڭ 106-بابىنىڭ 1-بولىگىنە («دەنساۋلىققا قاساقانا اۋىر زيان كەلتىرۋ») اۋىستىرعان. قازىر كامەلەتكە تولماعان ەكى كۇدىكتى ءۇيقاماقتا وتىر.