نۇرلان يمام قاسىم-جومارت توقايەۆتىڭ جازۋىنا ءتانتى بولدى

استانا. قازاقپارات - يمام نۇرلان بايجىگىت ۇلى مەملەكەت باسشىسى قاسىم-جومارت توقايەۆتىڭ ءوز قولىمەن جازعان حاتىن ءبولىستى.

نۇرلان يمام Instagram-پاراقشاسىندا پرەزيدەنتتىڭ قولتاڭباسى بار سۋرەت جۇكتەدى. وندا قاسىم-جومارت توقايەۆتىڭ قۇتتىقتاۋى جازىلعان.

«جىبەك جولى» - ەلىمىزدىڭ اقپارات كەڭىستىگىندەگى ورنى ەرەكشە تەلەارنا. ەل يگىلىگى جولىندا ەلەۋلى ەڭبەك ەتىپ كەلەسىزدەر! سىزدەرگە زور شىعارماشىلىق تابىس تىلەيمىن!» - دەپ جازعان پرەزيدەنت.

يمامنىڭ ايتۋىنشا، پرەزيدەنت بۇل العىس حاتتى ءوز قولىمەن تولتىرعان.

«نەتكەن كەرەمەت جازۋ. وسى جازۋى قالاي بولسا، مىنەزى مەن ۇستامدىلىعى دا سولاي دەيدى ماماندار»، - دەپ جازعان نۇرلان بايجىگىت ۇلى.

ايتا كەتەيىك، نۇرلان يمام Jibek Joly ارناسىنداعى «جۇمانىڭ كەشى» باعدارلاماسىن جۇرگىزەدى.