استانادا بالانى مەكتەپكە دايىنداۋ قانشا تۇرادى

استانا. قازاقپارات - جاڭا وقۋ جىلى جاقىنداپ قالدى. قازىر اتا-انالار بالالارىن مەكتەپكە دايىنداپ جاتىر. وسى ورايدا قازاقپارات ءتىلشىسى ەلوردادا بالانىڭ وقۋ قۇرالدارى مەن مەكتەپ فورماسىن ساتىپ الۋعا قانشا اقشا كەتەتىنىنە شولۋ جاساعان ەدى.

استانالىق اتا-انالار ءۇشىن بالاسىنا مەكتەپ فورماسىن جانە وقۋ قۇرالدارىن ساتىپ الۋدا تاڭداۋ كوپ.

قاجەتتى زاتتاردى بازاردان، ارنايى جارمەڭكەلەردەن، ءىرى ساۋدا ورتالىقتارىنان نەمەسە تاپسىرىس بويىنشا مەكتەپ فورماسىن تىكتىرۋ مۇمكىندىكتەرى بار.

جاپپاي نارىقتا كليەنتتەرگە ارزان باعامەن مەكتەپ فورماسىن ۇسىناتىن بىرنەشە دۇكەن بار. سولاردىڭ بىرىندە ۇلدارعا ارنالعان شالبار 6990 تەڭگەدەن باستالادى.

كوستيۋم 12990 تەڭگە جانە ودان جوعارى تۇرادى. قىزدارعا ارنالعان يۋبكا 4990 تەڭگە، سارافاندى 5900-6990 تەڭگە ارالىعىندا ساتىپ الۋعا بولادى.

اتاۋلى ساۋدا بەلگىلەرىندە ۇلدارعا ارنالعان شالباردى 12-14 مىڭ تەڭگەگە نەمەسە 17 مىڭ تەڭگەگە نەعۇرلىم ساپالى كيىم الا الاسىز.

جەيدە باعاسى 7 دەن 10 مىڭ تەڭگەگە دەيىن. اياق كيىمنىڭ قۇنى – 20 دان 28 مىڭ تەڭگەگە دەيىن. ريۋكزاك - 10-16 مىڭ تەڭگە ارالىعىندا.

وتاندىق وندىرۋشىلەر تىگەتىن مەكتەپ فورماسى دا نارىقتا سۇرانىسقا يە. قىزدارعا ارنالعان جەمپىرلەر 10 مىڭ تەڭگەگە ساتىلادى.

شورتى-يۋبكا (تەننيسكا) 10 مىڭ تەڭگەگە ساتىلىپ جاتىر. قىزدارعا ارنالعان بلۋزكا قۇنى 9 مىڭ تەڭگەدەن باستالادى. قىزدارعا ارنالعان اياق كيىم - 19990 تەڭگە.

ۇلدارعا ارنالعان پولو جەيدە 5 مىڭ تەڭگە تۇرادى. ۇلدارعا ارنالعان شالبار - 12 مىڭ تەڭگەدەن باستاپ. پيدجاك 16 مىڭ تەڭگەدەن باستالادى، ال جيلەت قۇنى 7 مىڭ تەڭگە.

بەلگىلى بولعانداي، اتا-انالاردىڭ كوبى مەكتەپ فورماسى مەن وقۋ قۇرالدارىن الۋعا بازارعا بارادى. بازاردا ريۋكزاك 5 مىڭ تەڭگە جانە ودان جوعارى تۇرادى.

ساتۋشىلارمەن كەلىسىپ، جەڭىلدىكپەن ساتىپ الۋ مۇمكىندىگى بار. مىسالى، قىزدارعا ارنالعان بلۋزكالار 3500 تەڭگە، يۋبكالار 3 مىڭ تەڭگەدەن باستالادى.

شالبار 7500 تەڭگە جانە ودان جوعارى. ۇلدارعا ارنالعان جەيدە - 3500 تەڭگە، شالبار - 7 مىڭ تەڭگە، 5 مىڭ تەڭگەگە ءتۇسىرىپ الۋعا مۇمكىندىك بار، كۋرتكانى 2500 تەڭگەگە ساتىپ الا الاسىز.

جەمپىردى 3 مىڭ تەڭگەگە ساتىپ الۋعا بولادى. قىزدارعا ارنالعان اياق كيىمدى 7 مىڭ تەڭگەگە، ۇلداردىكىن 6 مىڭ تەڭگەگە جانە ودان جوعارى باعادا الاسىز.

كروسسوۆكا 5 مىڭ تەڭگەدەن باستالادى.

جابىق بازارلاردا باعا ءسال وزگەشە. قىزدارعا ارنالعان بلۋزكالار 9 مىڭ تەڭگە، جاسوسپىرىمدەرگە ارنالعان يۋبكا 12500 تەڭگە، ال كىشكەنتاي قىزدار يۋبكاسى 4500 تەڭگە تۇرادى.

ۇلدارعا ارنالعان شالبار 6 مىڭ تەڭگەدەن باستالادى. جەيدەلەردى 6 مىڭ تەڭگەگە ساتىپ الۋعا بولادى.

كۇرتە قۇنى 8 مىڭ، بومبارديرلەر 11500 تەڭگە. ۇلدارعا ارنالعان كومپلەكت 18 مىڭ تەڭگەدەن باستالادى.

ونىڭ ىشىنە كۇرتە، كەۋدەشە (جيلەتكا) جانە شالبار كىرەدى.

قىزدارعا ارنالعان سارافانداردىڭ قۇنى - 7,5 مىڭ تەڭگە. قىزدار مەن ۇلدارعا ارنالعان اياق كيىم 12500 تەڭگە تۇرادى. كروسسوۆكا قۇنى - 10500 تەڭگە.

جابىق بازارلاردا وقۋ قۇرالدارىنىڭ باعاسى دا ءارتۇرلى. داپتەرلەر 35 تەڭگەدەن باستالادى، ەگەر كوپ الساڭىز 25 تەڭگەگە تۇسىرەدى. قالىڭ داپتەر (36 بەت) 170 تەڭگە تۇرادى.

سۋرەت سالۋعا ارنالعان البوم (24 بەت) 500 تەڭگە تۇرادى. فلوماستەرلەر 800 تەڭگە جانە ودان جوعارى، ءتۇرلى-ءتۇستى قارىنداشتار دا 800 تەڭگەگە ساتىلىپ جاتىر، قىمباتىن الۋعا دا بولادى.

كەڭسە تاۋارلارى مەن مەكتەپ فورماسىنىڭ ەڭ تومەنگى باعاسى - جارمەڭكەلەردە. مۇندا قىزدار مەن ۇلدارعا ارنالعان جيناق 14 جانە 15 مىڭ تەڭگە تۇرادى.

ۇلدارعا ارنالعان جيىنتىقتىڭ ىشىندە كەۋدەشە (جيلەتكا) شالبار جانە پيدجاك بار. جەيدەنى بولەك 4-5 مىڭ تەڭگەگە ساتىپ الۋعا بولادى.

اياق كيىم، كروسسوۆكا 6 مىڭ تەڭگە جانە ودان جوعارى تۇرادى. ال قىزدارعا ارنالعان توپتامادا پيدجاك پەن شالبار بار، يۋبكا بولەك 4-5 مىڭ تەڭگە تۇرادى.

مەكتەپ جارمەڭكەسىندە ساتۋشىلار قاراپايىم داپتەرلەر مەن ا4 قاعازىنىڭ باعاسى تومەندەگەنىن اتاپ ءوتتى.

وتكەن جىلى ا4 قاعازىنىڭ قۇنى 4-4,5 مىڭ تەڭگە بولسا، بيىل 2,5 مىڭ تەڭگە تۇرادى. وتكەن جىلى 12 پاراققا ارنالعان كادىمگى داپتەرلەر 40 تەڭگەدەن ساتىلدى. قازىر 20 تەڭگەدەن ساتىلىپ جاتىر.

وقۋ قۇرالدارىنا كەلسەك، داپتەر 20 تەڭگە، ال قالىڭ داپتەر (24 بەت) - 150 تەڭگە، 36 پاراقتى - 160 تەڭگە تۇرادى.

قالامداردىڭ باعاسى ادەمى مۇقاباسى مەن ساپاسىنا بايلانىستى، جالپى 20 تەڭگەدەن باستالادى. ءتۇرلى-ءتۇستى قارىنداشتاردى 300 تەڭگەدەن جانە ودان جوعارى باعاعا ساتىپ الۋعا بولادى.

قارىنداشتار جيىنتىعىنىڭ باعاسى 500 دەن 2 مىڭ تەڭگەگە دەيىن. سۋرەت سالۋعا ارنالعان البوم 300 تەڭگەدەن باستالادى.

ريۋكزاكتاردى 6 مىڭ تەڭگە جانە ودان جوعارى سوماعا ساتىپ الۋعا بولادى.

بالالار الەمى دۇكەندەرىندە 1-سىنىپقا ارنالعان وقۋ قۇرالدارىنىڭ سەبەتى 5900 تەڭگەدەن باستالادى. اتاپ ايتقاندا، داپتەر 30 تەڭگە تۇرادى.

قالام 25 تەڭگە، قارىنداش 40 تەڭگە. سونىمەن قاتار ءتۇرلى ءتۇستى قاعاز 75 تەڭگە، قارىنداش ۇشتاعىش 75 تەڭگە جانە جەلىم 145 تەڭگە تۇرادى.

ودان بولەك، ءتۇرلى ءتۇستى قارىنداشتار 225 تەڭگە، ءتۇرلى ءتۇستى كارتون 265 تەڭگە، اكۆارەل - 265 تەڭگە، وشىرگىش 75 تەڭگە جانە پلاستيليندى 280 تەڭگەگە ساتىپ الۋعا بولادى.

ورتاشا ەسەپپەن ياعني قاراپايىم ستاندارتپەن العاندا اتا-انا بالانى مەكتەپكە دايىنداۋعا 123 مىڭ تەڭگە جۇمسايدى.

اتالعان سوماعا كەڭسە تاۋارلارى، كيىمنەن شالبار، كويلەك، پيدجاك، كەۋدەشە (جيلەتكا)، اياق كيىم، ريۋكزاك جانە كروسسوۆكا كىرەدى.

دەگەنمەن، دۇكەن ارالاپ جۇرگەن اتا-انالار نەگىزىندە جوعارىدا اتالعان سومادان دا كوپ كەتەتىنىن ايتىپ وتىر.

ونىڭ ۇستىنە ءار اتا-انا بالاسىنا ساپالى كيىم مەن وقۋ قۇرالىن العىسى كەلەتىنى راس.