قازاقستاندا سوڭعى قوڭىراۋ قاي كۇنى سوعىلادى

استانا. قازاقپارات - وقۋ-اعارتۋ ءمينيسترى عاني بەيسەمبايەۆ وقۋ جىلىن قاي كەزدە اياقتاۋ تۋرالى شەشىم جاقىن ارادا جاريالاناتىنىن ايتتى، دەپ حابارلايدى اقوردانىڭ باسپا ءسوز قىزمەتى.

«ساراپشىلار تالقىلاۋدى اياقتادى. ءتۇرلى پىكىرلەر بولدى، ياعني كەيبىرى وقۋ جىلى 34 اپتاعا سوزىلۋى كەرەك دەسە، قالعاندارى 36 اپتا ءتيىمدى ەكەنىن ايتىپ جاتىر. مەن ءۇشىن ءار پىكىر وتە ماڭىزدى. مەن بارلىعىن تىڭعىلىقتى تىڭدادىم. ءبىز ءتيىستى شەشىم قابىلداۋعا جاقىنبىز، ونى جاقىن ارادا ەستيسىزدەر. مينيسترلىك بارلىق ۇسىنىستى ەسكەردى. ساراپشىلار ايتقان ءار پىكىردى تىڭداپ، ولاردى زەردەلەۋ ماڭىزدى ەكەنىن بىلەمىز. سوندىقتان تاياۋدا ناقتى شەشىمدى جاريالايمىز»، - دەدى عاني بەيسەمبايەۆ ۇكىمەت وتىرىسىنان كەيىن تىلشىلەر سۇراعىنا جاۋاپ بەرە وتىرىپ.

ايتا كەتەيىك، بيىل شىلدە ايىندا ەلىمىزدە وقۋ جىلىن ۇزارتۋدىڭ ناتيجەلىلىگى مەن تيىمدىلىگىنە مونيتورينگ جۇرگىزىلىپ جاتقانى حابارلانعان ەدى.

بىلتىر تامىز ايىندا وقۋ- اعارتۋ مينيسترلىگى ورتا مەكتەپتەردە وقۋ جىلىن 2 اپتاعا ۇزارتۋ تۋرالى شەشىمىن بەكىتتى.

جاڭا وقۋ جىلىنىڭ ۇزاقتىعى ءبىرىنشى سىنىپ وقۋشىلارى ءۇشىن - 35 وقۋ اپتاسىن، 2-11-سىنىپتار ءۇشىن 36 وقۋ اپتاسىن قۇرايتىندىعى جاريالاندى.

بيىل مامىر ايىندا عاني بەيسەمبايەۆ سوڭعى قوڭىراۋدى 25-مامىرعا قايتا اۋىستىرۋ جونىندە سۇراقتارعا جاۋاپ بەردى.