ۆەتنامنىڭ ءبىرىنشى پرەزيدەنتى حو شي مين مەن قونايەۆتىڭ كەزدەسكەن فوتوسى جاريالاندى

استانا. قازاقپارات - مەملەكەت باسشىسى قاسىم-جومارت توقايەۆ رەسمي ساپارمەن ۆەتنامعا باردى.

«بورت №1» Telegram ارناسى ۆەتنامنىڭ ءبىرىنشى پرەزيدەنتى حو شي مين مەن مەملەكەت جانە قوعام قايراتكەرى دىنمۇحامەد قونايەۆتىڭ مۇراعاتتاعى سۋرەتتەرىن جاريالادى.

«پرەزيدەنت قاسىم-جومارت توقايەۆ بۇگىن ءوز سوزىندە مەملەكەت باسشىسى رەتىندە ۆەتنامعا ءبىرىنشى رەت كەلگەنىن اتاپ ءوتتى. 1959 -جىلى وسىنداي ساپارمەن ءبىزدىڭ ەلىمىزگە ۆەتنامنىڭ ءبىرىنشى پرەزيدەنتى جانە ۇلتتىق كوشباسشىسى حو شي مين كەلگەن. ونى قاز س س ر مينيسترلەر كەڭەسىنىڭ ءتوراعاسى دىنمۇحامەد قونايەۆ قارسى الدى»، - دەلىنگەن حابارلامادا.

اقوردانىڭ مالىمەتىنشە، حو شي مين تانىمال قازاق عالىمى قانىش ساتپايەۆپەن دە جۇزدەسكەن.