الماتىدا ءال-فارابي داڭعىلى بويىندا ءىرى جول اپاتى بولدى

الماتى. قازاقپارات - الماتىدا ءال-فارابي داڭعىلى بويىندا ءىرى جول اپاتى بولدى، دەپ حابارلايدى قازاقپارات ءتىلشىسى.

الماتىدا ءال-فارابي داڭعىلى بويىندا جۇك كولىگى قاتتى جىلدامدىقپەن بىرنەشە كولىكتى سوقتى. وقيعا ورنىندا تۇسىرىلگەن ۆيدەولار الەۋمەتتىك جەلىگە شىقتى.

«ءال-فارابيدىڭ بويىندا ءىرى جول اپاتى، كولىك قوزعالىسىن باياۋلاتتى، وقيعانىڭ ءمان-جايى انىقتالۋدا»، - دەلىنگەن ۆيدەوداعى جازبادا. پوليتسيادان ازىرگە رەسمي اقپارات تۇسكەن جوق.

كۋاگەرلەردىڭ ايتۋىنشا، جيەكتاستاردى تيەگەن جۇك كولىگىنىڭ تەجەگىشى ىستەن شىعىپ، جولدىڭ قاراما-قارسى بەتىنە شىعىپ كەتكەن. زارداپ شەككەندەر تۋرالى اقپارات جوق.

ەسكە سالايىق، الماتىدا ءال-فارابي داڭعىلى بويىندا ورتاشا جوندەۋ جۇمىستارى مەرزىمىنەن بۇرىن اياقتالعان ەدى.