ارالاس جەكپە-جەك شەبەرى قۋات حاميتوۆ نەگە ۇيلەنبەي جۇرگەنىن ايتتى
«بارلىعى اللادان عوي. ماڭدايىمىزعا سول جازىلىپ قويعان شىعار. مەن سپورت دەپ ءجۇرىپ ءوزىمدى ۇمىتىپ كەتىپپىن. الدىڭعى جىلدارى ارالاسىپ جۇرگەن جاقسى قىزدار بولاتىن. ءبىراق مەن ولارعا ۇيلەنۋگە دايىن ەمەس ەكەنىمدى ايتاتىنمىن. سەن اندجەلينا دجولي بولساڭ دا ۇيلەنبەيمىن دەيتىنمىن. سەبەبى مەنىڭ العا قويعان ماقساتتارىم بار، ءالى ۇيلەنۋگە دايىن ەمەسپىن دەيتىنمىن. قازىر ۇيلەنۋگە دايىن سياقتىمىن. ءبىراق قىز جولىقپاي ءجۇر»، - دەيدى قۋات حاميتوۆ.
ونىڭ ايتۋىنشا، قازىرگى جاس قىزداردىڭ كوپشىلىگى الكوگولدى ىشىمدىككە جانە ەسىرتكىگە قۇمار.
«مەف دەگەن بالە پايدا بولدى. بارلىعى ەمەس ەندى، ءبىراق كوپشىلىگى سونى يىسكەيدى، جاستاردىڭ ءبىرازى بۇزىلىپ كەتكەن. ماعان اقىلدى، قاراپايىم، يماندى، ەرتەڭ بولاشاق بالالارىمدى تاربيەلەيتىن، اتا-اناما قارايتىن قىزدار جولىقپاي ءجۇر. اكە بولعان سوڭ ۇلدارىمنىڭ سپورتشى بولعانىن قالايمىن. مىقتى سپورتشى ءبىراق باسىندا مي بولماسا، ول قوعامعا قاۋىپتى بولماق. بىرەۋدى ۇرىپ ءولتىرىپ قويۋى مۇمكىن. مەن وندايدى قالامايمىن»، - دەدى حاميتوۆ.