استانادا جاڭا پەرزەنتحانا سالىنادى
19:41, 21 - تامىز 2023
استانا. قازاقپارات - استانا قالالىق ءماسليحاتىنىڭ ءتوراعاسى ەرلان قاناليموۆ قالادا تۋۋ كورسەتكىشى وسكەندىكتەن جاڭا پەرزەنتحانا سالۋ جونىندە شەشىم قابىلدانعانىن ايتتى، دەپ حابارلايدى قازاقپارات ءتىلشىسى.
«قازىر قالادا تۋۋ كورسەتكىشى وتە جوعارى، بىزدەگى ءۇش پەرزەنتحانا ءبارىن قامتي المايدى، سوندىقتان جاڭا ءتورتىنشى پەرزەنتحانانى - تولىققاندى كەشەندى پەريناتالدى ورتالىق سالۋ تۋرالى شەشىم قابىلداندى»، - دەدى ءماسليحات ءتوراعاسى استانا كوممۋنيكاتسيالار قىزمەتىندە وتكەن بريفينگتە.
ونىڭ ايتۋىنشا، قازىر سارىارقا اۋدانىنىڭ تۇرعىندارى ءۇشىن تولىققاندى اۋرۋحانانى جوبالاۋ جۇمىستارى ءجۇرىپ جاتىر.
جەر ۋچاسكەسى كوكتال ساياباعى ماڭىندا بەلگىلەنگەن.
«ەمحانالار جۇيەسى بويىنشا ەلەۋلى جۇمىس ءجۇرىپ جاتىر، ويتكەنى ازاماتتار وتىنىشتەرىنىڭ p-u - ەمحانالار ۇلەسىندە»، - دەپ تولىقتىردى دەپۋتات.