الماتىدا قوعامدىق كولىكتە جولاقى قىمباتتادى

الماتى. قازاقپارات - الماتىدا قوعامدىق كولىكتە جول ءجۇرۋ قۇنى 20 تەڭگەگە ءوستى، دەپ حابارلايدى قازاقپارات ءتىلشىسى.

اتاپ ايتقاندا، «وڭاي» كارتاسىمەن نەمەسە QR-كود ارقىلى تولەم جاساعاندا جول ءجۇرۋ اقىسى 100 تەڭگەنى قۇرايتىن بولادى، ياعني باعا 20 تەڭگەگە قىمباتتايدى. قولما-قول تولەمدە جول ءجۇرۋ قۇنى - 150 دەن 200 تەڭگەگە دەيىن كوتەرىلەدى.

ەسكە سالايىق جاڭا تاريف 9-تامىز كۇنى قالا ءماسليحاتىنىڭ 7-سەسسياسىندا بەكىتىلگەنى تۋرالى دا جازعان ەدىك.

ال، 10-تامىز كۇنى الماتى اكىمى ەربولات دوسايەۆ جولاۋشىلاردى تاسىمالداۋ تاريفتەرىن كوتەرۋ تۋرالى قاۋلىعا قول قويعان بولاتىن.

اكىمدىك وكىلدەرىنىڭ ايتۋىنشا، تاسىمالداۋشىلار شىعىندارىنىڭ ارتقانىنا قاراماستان، مەگاپوليستە جولاقى 11 جىلدان استام ۋاقىت بويى وزگەرمەگەن.