بۋرياتيادا دامبا جارىلىپ، توتەنشە جاعداي رەجيمى ەنگىزىلدى

ۋلان- ۋدە. تاسس. قازاقپارات - بۋرياتيادا دامبا جارىلىپ، حولودنايا وزەنى ارناسىنان اسىپ، سۋ تەمىرجولدى شايىپ كەتكەنىنە بايلانىستى بيلىك وكىلدەرى توتەنشە جاعداي رەجيمىن ەنگىزدى.

بۇل تۋرالى بۋرياتيا باسشىسى الەكسەي سىدەنوۆ مالىمدەدى، دەپ حابارلايدى قازاقپارات تاسس اگەنتتىگىنە سىلتەمە جاساپ.

«سولتۇستىك بايكال اۋدانىنداعى جاعدايعا بايلانىستى كوميسسيا وتكىزدىم. بۋرياتيادا دامبا جارىلىپ، حولودنايا وزەنى ارناسىنان اسىپ، تەمىرجولداردى شايىپ كەتۋىنە بايلانىستى تج رەجيمى ەنگىزىلدى. جەدەل شتاب قۇرىلىپ، ت ج سالدارىن جويۋ ءۇشىن ءىس- شارالار ۇيىمداستىرىپ جاتىرمىز»، - دەپ جازدى تسىدەنوۆ.

ول جاقىن ماڭداعى مەكەمەدە جۇمىس ىستەيتىن جول جانە قۇرىلىس تەحنيكاسى تارتىلعانىن، ونىڭ ىشىندە ءوزى اۋدارعىش جۇك ماشيناسى، ەكسكاۆاتورلار بار ەكەنىن اتاپ ءوتتى.

«شىعىس ءسىبىر تەمىرجولى دا اپات سالدارىن جويۋعا قاجەت امالداردىڭ ءبارىن ىستەيدى. سۋ دەڭگەيى تومەندەپ جاتىر، سول سەبەپتى كوپ ۇزاماي تاسجولدى قالپىنا كەلتىرىپ، جولاۋشىلاردى تاسىمالدايمىز. تۇرعىندارعا قاۋىپ ءتونىپ تۇرعان جوق. اۋداندا ادامدارعا تاماق بەرۋ جانە جىلىتۋ ورتالىقتارى ۇيىمداستىرىلدى. سوقىرىشەگى اسقىنعان ايەلدى سۋ ارقىلى قايىقپەن اۋرۋحاناعا اپارا جاتىرمىز»، - دەپ اتاپ ءوتتى باسشى.

كەيىنىرەك سىدەنوۆ قول قويىلعان جارلىققا سايكەس وڭىردە 20-تامىز 12:00دەن (07:00 م س ك) باستاپ سولتۇستىك بايكال اۋدانى مۋنيتسيپالدىق ءبىلىم بەرۋ اۋماعىندا توتەنشە جاعداي ەنگىزىلگەنىن ايتتى.

ت ج سالدارىن جويۋ باسشىسى بولىپ اۋدان باسشىسى يگور پۋحاريەۆ بەكىتىلدى. بارلىق رەسپۋبليكالىق مينيسترلىكتەر مەن ۆەدومستۆولار، اۋدان بيلىگىنە ادامداردىڭ قاۋىپسىزدىگىن قامتاماسىز ەتەتىن بارلىق امالدى ورىنداۋ تاپسىرىلدى»، - دەپ تولىقتىردى ءوڭىر باسشىسى.