شيان- الماتى دوستىق ۆەلوجارىسى ۇلى قىتاي قورعانىنىڭ باتىس بولىگىنە جەتتى

جيايۋيگۋان. قازاقپارات - شيان- الماتى دوستىق ۆەلوجارىسى كومانداسى ۇلى قىتاي قورعانىنىڭ باتىس بولىگى - جيايۋيگۋاندى باعىندىردى.

بۇل تۋرالى قازاقپارات «جاڭا جىبەك جولى» قوعامدىق قورىنا سىلتەمە جاساپ حابارلايدى.

«جولدىڭ 20-كۇنى باستالدى. ۆەلوجارىس قاتىسۋشىلارى جاقىن كۇندەرى شىڭجان- ۇيعىر اۆتونومدى وبلىسىنىڭ شەكاراسىن كەسىپ وتپەكشى. سپورتشىلار قازاقستان شەكاراسىنا 2-قىركۇيەك كۇنى كەشكە جەتۋدى جوسپارلاپ وتىر، ال 3ەۋى ۆەلوجارىس قاتىسۋشىلارىن سالتاناتتى تۇردە كۇتىپ الىپ، شىعارىپ سالادى»، - دەلىنگەن ق ق حابارلاماسىندا.

ۇلى جىبەك جولىنىڭ بويىمەن جولدىڭ بارلىق بولىگىندە سپورتشىلار تاريحي ورىندار مەن ەسكەرتكىشتەر، حرام مەن مەشىتتەر، قالا مەن اۋىلداردىڭ اراسىنان ءوتتى. ۆەلوسيپەدشىلەر ۇلى قىتاي قورعانىنىڭ ەڭ باتىستاعى بولىگىنە دە جەتىپ، كۇزەت مۇناراسى مەن قورعاننىڭ بەكىنىستەرىندە ەستەلىك سۋرەتكە ءتۇستى.

الدا ولاردى ىستىق جەل سوعاتىن ءشول دالالار، بيىك، تىك جارلارى بار شىڭجان تاۋلارى كۇتىپ تۇر.