مەملەكەت باسشىسى رەسمي ساپارمەن ۆەتنامعا بارادى
15:59, 19 - تامىز 2023
استانا. قازاقپارات - مەملەكەت باسشىسى قاسىم-جومارت توقايەۆ ۆەتنام سوتسياليستىك رەسپۋبليكاسىنىڭ پرەزيدەنتى ۆو ۆان تحىونگتىڭ شاقىرۋىمەن 20-22- تامىز كۇندەرى حانويعا رەسمي ساپارمەن بارادى، دەپ حابارلايدى قازاقپارات اقورداعا سىلتەمە جاساپ.
ۆەتنام ەلىنىڭ باسشىلىعىمەن كەلىسسوزدەر بارىسىندا ەكى ەلدىڭ ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق سالالارداعى ىنتىماقتاستىعىن دامىتۋ پەرسپەكتيۆالارى تالقىلانادى.
سونىمەن قاتار قاسىم-جومارت توقايەۆ ءبىرقاتار ونەركاسىپ نىسانىن ارالاپ كورىپ، ۆەتامنىڭ ءىرى بيزنەس وكىلدەرىمەن كەزدەسۋ وتكىزەدى دەپ جوسپارلانىپ وتىر.