استانالىق سوت جيەنىن ساباعان بويجەتكەنگە قاتىستى ءىستى توقتاتتى

استانا. قازاقپارات - ەلوردادا بالاباقشاعا بارعىسى كەلمەگەن جيەنىن ساباعان بويجەتكەن ءىسى بويىنشا سوت قاۋلىسى شىقتى. قوس تاراپتىڭ ىمىراعا كەلۋى سەبەپتى ءىس توقتاتىلدى، دەپ حابارلايدى قازاقپارات.

«2023-جىلعى 17- تامىزدا استانا قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتى ۇرىپ-سوعۋ فاكتىسى بويىنشا ا. قاتىستى ءىستى قارادى.

سوت ا. كامەلەتكە تولماعان ج. -نىڭ اپكەسى ەكەنىن، جيەنىنىڭ بالاباقشاعا بارعىسى كەلمەگەنى ءۇشىن كۇش قولدانعانىن، ءبىراق دەنساۋلىعىنا اسا زيان كەلتىرمەگەنىن انىقتادى. ونىڭ كىناسى مويىنداۋ ايعاقتارىمەن، زاڭدى وكىلدىڭ تۇسىندىرمەلەرىمەن، اكىمشىلىك قۇقىق بۇزۋشىلىق تۋرالى حاتتامامەن، بەينەجازبامەن جانە ءىستىڭ باسقا ماتەريالدارىمەن دالەلدەنگەن. ا. -نىڭ بالانىڭ اتا- اناسىمەن تاتۋلاسۋىنا بايلانىستى جانە اتا- انا وتىنىشىمەن ءىس توقتاتىلدى» - دەپ جازىلعان قالالىق سوتتىڭ رەسمي سايتىندا.

سوت شەشىمى ءالى زاڭدى كۇشىنە ەنگەن جوق.

ايتا كەتەيىك، استانادا بالاباقشاعا بارعىسى كەلمەگەن كىشكەنتاي قىزدى ۇرعان تۋىسىنا اكىمشىلىك ءىس قوزعالعان ەدى.

بەلگىلى بولعانىنداي، 14- تامىز كۇنى تاڭعى ۋاقىتتا 5 جاسار قىز بالاباقشاعا بارعىسى كەلمەگەن. 17 جاستاعى تۋىسى ونىڭ بۇل ارەكەتىنە نارازىلىق بىلدىرگەن.

بۇل وقيعاعا قر بالا قۇقىقتارى جونىندەگى ۋاكىل دينارا زاكييەۆا دا پىكىر ءوزىنىڭ Facebook پاراقشاسىندا پوست جاريالادى.