الماتىنىڭ مەديتسينا ۇيىمدارى شامادان تىس جۇكتەمەمەن جۇمىس ىستەپ جاتىر - مەملەكەت باسشىسى
مەملەكەت باسشىسىنىڭ ايتۋىنشا، قازىر قالاداعى دەنساۋلىق ساقتاۋ ۇيىمدارى شامادان تىس جۇكتەمەمەن جۇمىس ىستەپ جاتىر. ابدەن توزىعى جەتكەن ينفراقۇرىلىمدى الەۋمەتتىك مەديتسينالىق ساقتاندىرۋ قورىنىڭ قارجىسى ەسەبىنەن جانە مەملەكەتتىك- جەكەشەلىك ارىپتەستىك نەگىزىندەگى جوبالاردى جۇزەگە اسىرۋ ارقىلى كەشەندى تۇردە جاڭعىرتۋ قاجەت.
پرەزيدەنت دەنساۋلىق ساقتاۋ مينيسترلىگىنە مەديتسينا مەكەمەلەرىندەگى قارجى تاپشىلىعىن جويۋ ءۇشىن كەشەندى شارالار قابىلداۋدى تاپسىردى.
سونىمەن قاتار پرەزيدەنت جيىندا تۇرعىنداردىڭ الەۋمەتتىك جاعدايىن جاقسارتۋعا قاتىستى ءبىرقاتار پروبلەماعا توقتالدى.
مەملەكەت باسشىسىنىڭ پىكىرىنشە، ەڭ الدىمەن، NEET ساناتىنا جاتاتىن جاستاردىڭ اراسىنداعى جۇمىسسىزدىق ماسەلەسىنە ايرىقشا نازار اۋدارۋ قاجەت. ۇكىمەتكە جانە اكىمدىككە جاستاردى جۇمىسپەن قامتۋ ءۇشىن ارنايى باعدارلاما ازىرلەۋ جونىندە تاپسىرما بەرىلدى.