ءۇشىنشى سىنىپ وقۋشىسى مەملەكەت باسشىسىنا ءوزى جاساعان جۇمىس ۇستەلى ورگانايزەرىن سىيلادى

استانا. قازاقپارات - ءۇشىنشى سىنىپ وقۋشىسى ءسالىم كوپەيەۆ مەملەكەت باسشىسى قاسىم- جومارت توقايەۆقا ءوزى جاساعان جۇمىس ۇستەلى ورگانايزەرىن سىيعا تارتتى، دەپ حابارلايدى قازاقپارات ءتىلشىسى.

«مەن كەزدەسۋگە دە كەشىگىپ قالدىم، دارەتحانادا بولعان ەدىم. مىناۋ سىزگە سىيلىق، ۇستەلگە ارنالعان ورگانايزەر. پارتا ءۇستى ۇنەمى مەكتەپ زاتتارىمەن بىلىعىپ جاتادى. سولارعا الاڭداپ، ۇلگەرمەي قالاسىڭ. اكەم ەكەۋىمىز بارلىق سىنىپقا ارنالعان وسىنداي ورگانايزەردىڭ جوباسىن جاسادىق. ونى ءوزىم باسىپ شىعاردىم»، - دەدى ءسالىم كوپەيەۆ.

پرەزيدەنت جاس ونەرتاپقىشتىڭ سىيلىعىن ريزاشىلىقپەن قابىلداپ، وعان ساتتىلىك تىلەدى.

«جاقسى جۇمىس ىستەدىڭ»، - دەگەن قاسىم- جومارت توقايەۆ وقۋشىمەن بىرگە ەستەلىك سۋرەتكە ءتۇستى.

وسىعان دەيىن مەملەكەت باسشىسى قاسىم- جومارت توقايەۆتىڭ الماتىدا وتكەن جىلى اشىلعان Prometheus school مەكتەبىنە بارعانىن جازدىق.