قازاقستان شاحتاسى كەنشىلەرىنىڭ جالاقىسى قانشا

استانا. قازاقپارات - «ارسەلورميتتال تەمىرتاۋ» تاۋ- كەن سەگمەنتى اتقارۋشى ديرەكتورىنىڭ ورىنباسارى سەرگەي وگاي شاحتەرلەردىڭ جالاقىسىن اتادى، دەپ حابارلايدى قازاقپارات ءتىلشىسى.

«جۇمىسشىلاردىڭ جالاقىسىن شامامەن ايتا الامىن. ول ءتۇرلى جاعدايلارعا بايلانىستى. كەن ءوندىرۋ ۋچاسكەسىنىڭ ۇڭگۋشىسى شامامەن 860-880 مىڭ تەڭگە جالاقى الادى. ءبىراق ول ءۇشىن جوسپاردى، تەحنيكا قاۋىپسىزدىگى مەن وندىرىستىك كورسەتكىشتىڭ بارلىق شارتتارىن ورىنداۋى قاجەت. بۇل - بەسىنشى رازريادتاعىلاردىڭ جالاقىسى. ال قوسالقى ۋچاسكەنىڭ ءۇشىنشى رازريادتى جەراستى تاۋ- كەن جۇمىسشىسىنىڭ جالاقىسى 500-515 مىڭ تەڭگە شاماسىندا. ولار دا تەحنيكا قاۋىپسىزدىگى مەن وندىرىستىك كورسەتكىشتىڭ بارلىق شارتتارىن ورىنداۋى ءتيىس»، - دەدى ول قاراعاندى وڭىرلىك كوممۋنيكاتسيالار قىزمەتى الاڭىنداعى بريفينگتە.

ەسكە سالايىق، «قازاقستان» شاحتاسىندا ءورت كەشە، 17-تامىز كۇنى ساعات 10:05 تە تۇتاندى.

اپات كەزىندە جەر استىندا 227 كەنشى بولدى. 222 ادامدى جەر بەتىنە جەدەل كوتەرۋ مۇمكىن بولدى، سەگىزى زارداپ شەكتى.

5 جۇمىسشىنىڭ تاعدىرى بەلگىسىز بولدى. كەيىن ولاردىڭ ءبىرىنىڭ دەنەسى تابىلدى. قالعان 3 ادامدى ىزدەستىرۋ جالعاسىپ جاتىر.

قاراعاندىداعى كومىر شاحتاسىندا زارداپ شەككەندەردىڭ اراسىندا ەكى ادام جانساقتاۋ بولىمىنە جەتكىزىلگەنى تۋرالى حابارلاعان ەدىك.

ايتا كەتەيىك، پرەزيدەنت «قازاقستان» شاحتاسىندا بولعان ءورت سەبەبىن انىقتاۋ ءۇشىن جان- جاقتى تەرگەۋ جۇرگىزۋدى تاپسىردى.