جەتىسۋ وبلىسىندا جەدەل جاردەم كولىگى اپاتقا ۇشىراپ، ەكى ادام مەرت بولدى

تالدىقورعان. قازاقپارات - جەتىسۋ وبلىسىندا جەدەل جاردەم كولىگى جول جيەگىندە تۇرعان جۇك كولىگىنە سوعىلىپ، ەكى ادام قازا تاپتى، دەپ حابارلايدى قازاقپارات ءتىلشىسى.

جەتىسۋ پوليتسياسىنىڭ مالىمەتىنشە، اقسۋ اۋدانىندا جەرگىلىكتى ماڭىزى بار «كولتابان- ماتاي» تاس جولىندا جەدەل جاردەم ماشيناسى مەن «ۋرال» جۇك كولىگى سوقتىستى. جول اپاتىنان ەكى ادام قازا تاپتى.

«جول-كولىك وقيعاسىنا جەدەل جاردەم ماشيناسىنىڭ 57 جاستاعى جۇرگىزۋشىسى كىنالى ەكەندىگى الدىن الا انىقتالدى، ول رۋلگە يە بولا الماي قالىپ، جول جيەگىندە تۇرعان جۇك كولىگىمەن سوقتىعىسقان. اپات سالدارىنان جەدەل- جاردەم ماشيناسىنىڭ جۇرگىزۋشىسى مەن 54 جاستاعى جەرگىلىكتى فەلدشەر وقيعا ورنىندا قايتىس بولدى.

اتالعان فاكتى بويىنشا قاجەتتى ساراپتامالار تاعايىندالىپ، سوتقا دەيىنگى تەرگەۋ امالدارى باستالدى»، - دەپ حابارلادى پوليتسيادان.