تايلاندتا پىلگە مىنبەڭىز: ونىڭ ءۇش سەبەبى بار
ءبىر قاراعاندا ەش زيانسىز بولىپ كورىنەتىن بۇل ويىن-ساۋىقتىڭ استارىندا نە جاتقانىن ەگجەي-تەگجەيلى باياندايدى.
جانۋارلارعا اسا قاتىگەزدىك تانىتۋ
تايلاندقا كەلۋشىلەر پىلمەن سەرۋەندەيتىن ەكسكۋرسيانى ساتىپ الۋ ارقىلى قاتىگەزدىككە قولداۋ كورسەتەدى دەپ ايتۋعا بولادى. پىلدەردى قولعا ۇيرەتۋ ەرتە كەزدەن باستالادى، ولاردى اتا- اناسىنان ايىرىپ الىپ كەتەدى. جانۋارلاردى كەيدە دجۋنگليدە اۋلايدى، پىلدەر ءوز بالالارىنا كومەككە اسىعىپ جانتالاسقاندا، كوبىنەسە ولاردى ءولتىرىپ نەمەسە جازىم ەتەدى.
تولىق مويىنسىندىرۋ ءۇشىن جانۋاردى بىرنەشە اپتا قيناپ، قىسىم كورسەتەدى. پىلدەردى تار شۇڭقىرعا نەمەسە تورعا قامايدى، ولاردىڭ اياقتارىن بايلاپ، قارسىلىق تانىتپايتىن حالگە جەتكەنشە سابايدى.
سەرۋەندەۋ كەزىندە ەڭ اياۋسىز ادىستەر قولدانىلادى: ءپىلدى باسقارۋ ءۇشىن ونى ۇشىندا وتكىر تەمىر ىلگەگى بار تاياقتارمەن ۇرادى، كوپ جانۋارلاردىڭ باسىندا تىرتىقتار كوپ. سونداي-اق، ولار تۋريستەرگە بايقاۋسىزدا زيان كەلتىرمەۋ ءۇشىن تىستەرىن دە ەگەپ تاستايدى.
جاراقاتتار
ءپىل - ارقاسىنا ءمىنىپ جۇرەتىن جانۋار ەمەس، ونىڭ سۇيەگى كۇن سايىن ادامداردى تاسىمالداۋعا ارنالماعان. ءسىز تەك 15 جاستاعى پىلدەرگە مىنە الاسىز، ايتپەسە ولاردىڭ ومىرتقاسىن اۋىر جاراقاتتاۋىڭىز مۇمكىن. سونىمەن قاتار، ءپىلدىڭ ارقاسىنا بەكىتىلگەن ورىندىق تا تەرىسىن جارالاپ، ولارعا ينفەكتسيا تۇسىرەدى.
پىلدەر ەڭ جوعارى جۇمىس ونىمدىلىگىنە تەك 25 جاستا جەتەدى، ءبىراق كوپتەگەن ءپىل فەرمالارىندا ولار بالا كەزىنەن كوپ جۇمىس ىستەۋگە تۋرا كەلەدى.
ادامدارعا تونەتىن قاۋىپ
زەرتتەۋشىلەر قاتىگەزدىك پەن اۋىر جۇمىس جۇيكە جۇيەسىنىڭ اۋىر بۇزىلۋىنا اكەلەدى دەپ سانايدى. بۇل ءپىلدىڭ مىنەز-قۇلقى كۇتپەگەن جەردەن قاۋىپتى بولىپ، كەز كەلگەن ساتتە باسقارىلمايتىن جانە اگرەسسيۆتى جانۋارعا اينالۋى مۇمكىن دەگەندى بىلدىرەدى. ءتىپتى ءپىل سەرۋەن كەزىندە تۋريستى كۇتپەگەن جەردەن لاقتىرىپ جىبەرىپ، تاپتاپ كەتكەن جاعدايلار دا بار.
Kaztengritravel.kz