ەكى عاسىرداي سالىنعان پيزا مۇناراسىنىڭ مەرەيتويى ءبىر جىل تويلانادى
بۇل تۋرالى پيزا قالاسىنىڭ ورتالىق الاڭىنداعى ەسكەرتكىشتەر كەشەنىنىڭ ءتوراعاسى چۋدەس ماتيلدە مەۋچچي ايتتى، - دەپ حابارلايدى Tengritravel.kz ءتىلشىسى.
«پيزا مۇناراسى جاقسى قالىپتا، جىل سايىن سانتيمەترلەپ تىكتەلىپ كەلەدى. ونى جەردەن دە، عارىش سەرىكتەرى ارقىلى دا باقىلاپ وتىر»، - دەيدى مەۋچچي.
پيزا مۇناراسىنىڭ العاشقى ىرگەتاسى قالانعان كۇندى تال تۇستە قوڭىراۋلاتىپ اتاپ وتەدى. سول كۇنى كەشتە الاڭدا اشىق اسپان استىندا يراندىق پيانيست رامين ءباحراميدىڭ كونتسەرتى ۇيىمداستىرىلعان. ەسكەرتكىشتىڭ قۇرىلعان كۇنىن تويلاۋ جىل بويى ءوتىپ، ونىڭ اياسىندا سەمينار، كورمەلەر مەن مۋزىكالىق كورىنىستەر قويىلادى.
مۇنارانى 1990 -جىلى العاش رەت قۇلاپ كەتۋى مۇمكىن دەپ تۋريستەر ءۇشىن جاۋىپ تاستاعان ەدى. وسى كەزدەن باستاپ ونى جوندەۋ جۇمىستارى باستالدى. 2001 -جىلى يتاليا سيمۆولدارىنىڭ بىرىنە اينالعان ەسكەرتكىش تۋرسيتەر ءۇشىن قايتادان اشىلدى. مەۋچچيدىڭ سوزىنشە، مۇنارانى تۇراقتاندىرۋ جۇمىستارى ارقىلى ول جالپى 46 سانتيمەترگە تۇزەلگەن.
تۋريستەردىڭ ورالۋ مەرەيتويىندا مۇنارا پاندەمياعا دەيىنگى ۋاقىتپەن سالىستىرعاندا ايگىلەنە ءتۇسىپتى. 2022 -جىلى مۇناراعا 520 مىڭ ادام كوتەرىلگەن ەكەن.
بۇل مۇنارا ءبىرىنشى تاسى قالانعان ۋاقىتتان باستاپ ەكى عاسىرداي ۋاقىت وتە عانا دايىن بولعان ەكەن - 1370 -جىلى. قازىرگى تاڭدا زەرتتەۋشىلەر ونىڭ قالاي قيسايعانىنا قاتىستى ءالى دە ءبىر شەشىمگە كەلمەگەن.