بايلاردىڭ ەرمەگى شەكتەن شىققالى تۇرعان دۋباي تۋرالى تاڭعالارلىق دەرەكتەر
تۇيە جارىس - اراب بايلارىنىڭ سۇيىكتى سپورتى. بۇرىن تۇيەمەن ارنايى جاتتىققان بالالار شاباتىن، ال ەندى دۋباي گۋمنيزم جولىنا ءتۇسىپ: شاباندوزداردى راتسيامەن باسقارىلاتىن روبوتتار الماستىردى.
دۋباي پوليتسياسى قالا تىنىشتىعىن سۋپەركار ءمىنىپ كۇزەتەدى، ولاردىڭ قاتارىندا - Aston Martin, Bentley Continental GTS، Ferrari مەن Lamborghini بار. بۇل جەرگىلىكتى زاڭ بۇزۋىشىنى قاراپايىم «مەرسەدەسپەن» قۋىپ جەتۋ مۇمكىن ەمەستىگىنە بايلانىستى، ەگەر ول Bugatti Veyron كولىگىمەن ساعاتىن 300 شاقىرىم جىلدامدىقپەن جۇيىتكىسە. ال جەرگىلىكتى حالىق جارىسقاندى جاقسى كورەدى.
«دۋباي مولل» ساۋدا ورتالىعىنىڭ اۋماعى - جارتى ميلليون شارشى مەتردەي بولادى. بۇل ۆاتيكاننىڭ اۋماعىنان دا ۇلكەن. جىل سايىن بۇل ساۋدا ورتالىعىنا 50 ميلليون تۋريست كەلەدى ەكەن. مۇندا مىڭداعان دۇكەن، جۇزدەگەن مەيرامحانا مەن ويىن-ساۋىق الاڭدارى بار «دۋباي موللدى» شارلاپ شىعۋعا ءبىر اي ۋاقىت كەرەك بولار.
دۋبايدا سۋپەركارلار قوقىس بولىپ جاتقان ورىن بار، مۇندا قالا قىزمەتى سپورت جانە جوعارى ساناتتاعى كولىكتەردى اكەلىپ تاستايدى. يەلەرى ولاردى كولىك تۇراعى نەمەسە بوس جەرلەرگە تاستاپ كەتە بەرەدى دەگەن ءسوز بار، الايدا نەگىزىنەن ونداي كولىكتەردى كرەديتكە بەلشەدەن باتىپ، ەلدەن جىلدام كەتۋ كەرەك بولعان شەتەلدىكتەر نەمەسە قىمبات كولىكتى ساتىپ العانىمەن ارى قارايعىعا اقشاسى جەتپەگەن جەرگىلكتى حالىق تاستايدى ەكەن. دۋبايدا ءبارى بىردەي ميللياردەر ەمەس، ءبىراق ماقتانىپ قالعاندى جاقسى كورەدى.
پالم-دجۋمەيرەداعى اپپارتامەنتتەر، ياحتالار مەن جەكە ۇشاقتار دۋباي دوكەيلەرى ءۇشىن بايلىقتىڭ كورسەتكىشى بولماي قالعان. قولعا ۇيرەتىلگەن ارىستان، گەپارد پەن قابىلاندار - مىنە شىرىگەن بايلىقتىڭ ەرمەگى.
Dubai Miracle Garden پاركىن قۇرۋعا الەمنىڭ ەڭ ۇزدىك لانشافت ديزاينەرلەرى جۇمىس ىستەدى. ول ءتىپتى گيننەس رەكوردتار كىتابىنا ەنگەن.
دۋبايدا التىندى ۇناتادى. وتە جاقسى كورەدى. ءيا، كەيبىر شىرىگەن بايلار ۇيلەرىندەگى ۆاننا مەن ۋنيتازداردى وسى ءبىر قىمبات مەتاللدان قۇيدىرعان. ءتىپتى ولاردىڭ ءقاۋىپسىز تۇستارىن گاۋھار تاسپەن دە كومكەرگەن.
دۋباي تابيعي وسىمدىگى جوق ءولى جەردە تۇرعىزىلعان، مۇنداعى تەمپەراتۋرا 50+ گرادۋسقا دەيىن بارادى. بارلىق كوپ قاباتتى عيماراتتار، موللدار مەن باسقا دا ساۋلەت قۇرىلىستارى ۇنەمى سۋىتىپ وتىرۋدى قاجەت ەتەدى. ساياباقتار توقتاۋسىز سۋارىلۋ كەرەك، مۇنىڭ بارىنە وتە كوپ سۋ كەتەدى. ءبىر عانا مىسال قالاداعى ءبىر پالمانى سۋعارۋعا كۇنىنە 50 ا ق ش دوللارى جۇمسالادى ەكەن.