قازاقستان سپورتشىلارىنىڭ بيىلعى جەتىستىكتەرى قانداي
قازاقپارات بۇل تۋرالى مادەنيەت جانە سپورت مينيسترلىگىنە سىلتەمە جاساپ حابارلايدى.
سونىڭ ىشىندە وليمپيادالىق سپورت تۇرلەرى بويىنشا قازاقستاندىق سپورتشىلار 373 جۇلدەگە قول جەتكىزدى، اتاپ ايتقاندا، 121 - التىن، 111 - كۇمىس جانە 141 - قولا مەدال.
وليمپيادالىق ەمەس سپورت تۇرلەرىنەن 118 مەدال ءتۇستى. ونىڭ ىشىندە 53 - التىن، 38 - كۇمىس، 27 - قولا مەدال.
95 جۇلدەنى وتاندىق پاراسپورتشىلار جەڭىپ الدى. پاراليمپيادالىق سپورت تۇرلەرى بويىنشا قر قۇراماسىنىڭ قورجىنى 33 التىن، 33 كۇمىس جانە 27 قولا مەدالمەن تولىقتى.
«ءبىزدىڭ سپورتشىلار ەل اۋماعىندا جانە شەت مەملەكەتتەردە وتەتىن حالىقارالىق جارىستاردا ەلىمىزدىڭ اتىنان لايىقتى ونەر كورسەتىپ كەلەدى. وسى رەتتە، بوكستان قۇراما كوماندانىڭ تاشكەنتتە وتكەن الەم چەمپيوناتىندا 4 التىن جانە 1 كۇمىس مەدال جەڭىپ الىپ، جالپىكوماندالىق 2-ورىنعا يە بولعانىن اتاپ وتكەن ءجون. سونداي- اق يتاليادا وتكەن الەم چەمپيوناتىندا سەمسەرلەسۋشى رۋسلان قۇربانوۆ قازاقستان تاريحىندا ءبىرىنشى بولىپ قولا مەدال يەلەندى. سونىمەن قاتار، كاراتەدەن ازيا چەمپيوناتىندا جالپىكوماندالىق ءبىرىنشى ورىندى، مەرگەندەرىمىزدىڭ رەيتينگتىك الەم كۋبوگىنىڭ مەدالدىق ەسەبىندەگى ءبىرىنشى ورنىن ۇلكەن ماقتانىشپەن اتاپ وتۋگە بولادى»، - دەدى ق ر م س م سپورت جانە دەنە شىنىقتىرۋ ىستەرى كوميتەتىنىڭ ءتوراعاسى ەربول مىرزابوسىنوۆ.