فۋتبولدان باس باپكەر ماگومەد اديەۆ قىزمەتىنەن كەتە مە

استانا. قازاقپارات - ەلىمىزدىڭ فۋتبولدان ۇلتتىق قۇراماسىنىڭ باس باپكەرى ماگومەد اديەۆ قىزمەتىن اۋىستىرۋى مۇمكىن دەگەن اڭگىمەگە قاتىستى تۇسىنىك بەردى، دەپ حابارلايدى قازاقپارات ءتىلشىسى فۋتبول فەدەراتسياسىنىڭ باسپا ءسوز قىزمەتىنە سىلتەمە جاساپ.

«قۇرمەتتى دوستار، سوڭعى كەزدەرى ب ا ق- تا مەنىڭ بولاشاعىم جايلى اقپارات تاراپ جاتىر. مەنىڭ بار نازارىم قازاقستان ۇلتتىق قۇراماسىندا جانە ءبىز ەۋرو-2024 ىرىكتەۋ كەزەڭىندەگى الداعى ماتچتارعا دايىندالىپ جاتقانىمىزدى تاعى دا اتاپ وتكىم كەلەدى. سوندىقتان ىرىكتەۋ اياقتالعانعا دەيىن قىزمەتتەردى قوسا اتقارۋ، نە بولماسا باسقا دا ماسەلەلەر قاراستىرىلىپ جاتقان جوق. مەن ءوز ويىمدى تولىقتاي جەتكىزدىم دەپ ۇمىتتەنەمىن»، - دەلىنگەن تۇسىنىكتەمەدە.

سونداي- اق، فۋتبولدان ۇلتتىق قۇرامانىڭ باس جاتتىقتىرۋشىسى قىركۇيەكتە فينليانديا مەن سولتۇستىك يرلاندياعا قارسى ماڭىزدى ويىندار كۇتىپ تۇرعانىن ايتتى.

«بىزگە جانكۇيەرلەرىمىزدىڭ قولداۋى قاجەت. بارشاڭىزدى «استانا ارەنادا» كۇتەمىز. العا، قازاقستان!»، - دەيدى ول.

ايتا كەتسەك، كەيبىر سپورتتىق ب ا ق- تا باياندالعانداي «احمات» فۋتبول كلۋبى م. اديەۆتى باس باپكەر قىزمەتىنە شاقىرعان.