ەلدە قايماق قانشا تۇرادى

استانا. قازاقپارات - شىلدە ايىندا قازاقستان وڭىرلەرىندە قايماقتىڭ ورتاشا باعاسى كەلىسىنە 1912 تەڭگەنى قۇرادى. بۇل تۋرالى ۇلتتىق ستاتيستيكا بيۋروسىنان ءمالىم ەتتى، دەپ حابارلايدى قازاقپارات.

وتكەن جىلدىڭ شىلدەسىمەن سالىستىرعاندا قايماق ",4 قىمباتتاعان.

بۇگىندە اتالعان ءسۇت ءونىمى الماتى قالاسىنىڭ تۇرعىندارىنا قىمباتقا ءتۇسىپ وتىر. وندا ورتاشا باعا 2350 تەڭگە مولشەرىندە.

قايماقتىڭ قىمباتتىعى بويىنشا ەكىنشى ورىندا اتىراۋ تۇر - 2079 تەڭگە. ودان ءارى وسكەمەن (2068 تەڭگە)، اقتوبە مەن قىزىلوردا قالالارى (2058 تەڭگە) ورنالاسقان.

ەڭ ارزان قايماق كوكشەتاۋ قالاسىندا - 1270 تەڭگە.

«2023 -جىلدىڭ قاڭتار- شىلدە ايلارىندا قازاقستاندا 21 مىڭ توننا قايماق ءوندىرىلدى. بۇل وتكەن جىلدىڭ سايكەس كەزەڭىمەن سالىستىرعاندا 1,3 مىڭ تونناعا كوپ»، - دەلىنگەن ستاتيستيكا مالىمەتىندە.