بيىل قىتاي تاراپىمەن الاشاڭقاي ستانتسياسىنا «تاۋلىگىنە ءبىر تەمىر جول قۇرامى» سحەماسى بويىنشا قازاقستاندىق استىقتى ەكسپورتتاۋ بويىنشا (كوروناۆيرۋس پاندەمياسىنا بايلانىستى ءۇش جىلدىق تىيىمنان كەيىن) كەلىسىمگە قول جەتكىزىلدى. وسى ءىس- شارالاردىڭ ارقاسىندا قازاقستاندىق ەكسپورتتاۋشىلار قىتاي باعىتىنا استىق ەكسپورتاۋدى قايتا باستادى.
وسىلايشا، 2023 -جىلدىڭ ءبىرىنشى جارتىجىلدىعىندا قىتايعا «تاۋلىگىنە ءبىر تەمىر جول قۇرامى» سحەماسى بويىنشا 100 مىڭ توننادان استام وتاندىق بيداي ەكسپورتتالدى، - دەپ اتاپ وتەدى مينيسترلىكتەن اگەنتتىكتىڭ رەسمي ساۋالىنا وراي.
ۆەدومستۆو مالىمەتىنشە، قازىرگى ۋاقىتتا تاۋلىگىنە ەكى تەمىر جول قۇرامىن جونەلتۋ تۋرالى كەلىسىم جاسالدى.
«بۇل استىق ەكسپورتىنىڭ كولەمىن ايتارلىقتاي ارتتىرۋعا مۇمكىندىك بەرەدى. سونداي-اق قىتاي تاراپىنان قازاقستاندىق استىقتى قابىلداۋشىلاردىڭ سانىن ارتتىرۋ بويىنشا كەلىسسوزدەر جۇرگىزىلۋدە. بۇل دا ق ح ر-عا قازاقستاندىق استىقتى جەتكىزۋدى ارتتىرۋعا ىقپال ەتەدى»، - دەپ ناقتىلايدى مينيسترلىك.