تەلەجۇرگىزۋشى اسەل اسقار سپورتشىدان تاياق جەدى: پوليتسيا تەرگەۋ باستادى
بلوگەر ۆيدەوۇندەۋ جاريالاپ، «رويال» فيتنەس كلۋبىندا ەر ادام - گرەك-ريم كۇرەسىنەن چەمپيون، كاسىپقوي بالۋان ءوزىن بەتىنەن بىرنەشە رەت ۇرعانىن، قازىر ونىڭ تاراپىنان قوقان-لوقى كورىپ جاتقانىن ايتتى.
اسەل اسقار قالا پروكۋرورى مەن پوليتسيا باسقارماسى باسشىسىنان كومەك سۇرادى.
الماتى قالالىق پوليتسيا دەپارتامەنتى اتالعان وقيعاعا قاتىستى جاۋاپ بەردى.
«بلوگەردى ۇردى دەگەن كۇدىكپەن 27 جاستاعى ەر ادام انىقتالدى. دەرەك مەدەۋ اۋداندىق پوليتسيا باسقارماسىندا تىركەلىپ، تەرگەۋ امالدارى جۇرگىزىلىپ جاتىر. 1996 -جىلى تۋعان م. -عا قاتىستى ق ر اكىمشىلىك قۇقىقبۇزۋشىلىق تۋرالى كودەكستىڭ 73-1-بابى («ۇرىپ- سوعۋ») جانە ق ر ا ق ب ت ك-نىڭ 434-بابى («ۇساق بۇزاقىلىق») بويىنشا اكىمشىلىك ءىس قوزعالدى»، - دەپ حابارلادى ۆەدومستۆودان.
جاراقاتىنىڭ اۋىرلىعىن انىقتاۋ ءۇشىن اسەل اسقارعا ساراپتاما تاعايىندالدى.
«ءىس ماتەريالدار شەشىم قابىلداۋ ءۇشىن سوتقا جولدانادى. تەرگەۋ بارىسى الماتى پ د باسشىلىعىنىڭ باقىلاۋىندا»، - دەپ اتاپ ءوتتى الماتى قالالىق پوليتسيانىڭ باسپا ءسوز قىزمەتىنەن.
Посмотреть эту публикацию в Instagram