ش ق و-دا پوليتسيا پودپولكوۆنيگىن سوققىعا جىققان اۋىل تۇرعىنى سوتتالدى

وسكەمەن. قازاقپارات - ش ق و-دا پوليتسيا پودپولكوۆنيگىن سوققىعا جىققان اۋىل تۇرعىنى سوتتالدى. وقيعا سامار اۋدانىندا بولعان، دەپ حابارلايدى قازاقپارات YK-news.kz-كە سىلتەمە جاساپ.

11-شىلدەدە پوليتسياعا اۋىلداردىڭ بىرىندە ادام قايتىس بولعانى تۋرالى حابارلاندى. پوليتسيا پودپولكوۆنيگى ك. كورسەتىلگەن مەكەنجايعا باردى. قايتىس بولعان اۋىل تۇرعىنىنىڭ ۇلى قىزمەتكەرلەرگە اگرەسسيا تانىتىپ، پودپولكوۆنيككە جۇدىرىق جۇمسادى.

كۇرشىم اۋداندىق سوتى ەر ادامدى قىلمىستىق كودەكستىڭ 380-بابىنىڭ 3-بولىگى (بيلىك وكىلىنە قاتىستى ومىرگە نەمەسە دەنساۋلىققا قاۋىپتى ەمەس كۇش قولدانۋ) بويىنشا ايىپتى دەپ تانىپ، ونى ەكى جىلعا باس بوستاندىعىنان ايىرۋ جازاسىنا كەستى.