گەرمانيادا جۇرگىزۋشى ورتەنگەن كولىكتى سىرامەن سوندىرگەن

بەرلين. قازاقپارات - سەنبى كۇنى تۇستەن كەيىن گەرمانيانىڭ سولتۇستىك- شىعىسىندا وتباسى: كولىكتى جۇرگىزگەن 36 جاستاعى ەر ادام جانە ونىڭ ايەلى، ەكى بالاسى وتىرعان جەڭىل كولىك اۆتوبانمەن جول ءجۇرىپ كەلە جاتتى.

كەنەتتەن كولىك كاپوتى استىنان ءتۇتىن شىققان. ءورتتى بايقاعان جۇرگىزۋشى دەرەۋ جول جيەگىنە توقتاپ، وتباسىن كولىكتەن شىعارىپ، ءورت سوندىرۋشىلەردى كۇتپەي، وزدىگىنەن ارەكەت ەتۋگە شەشىم قابىلدادى، دەپ حابارلايدى قازاقپارات DW-گە سىلتەمە جاساپ.

ول تەز ارادا كولىكتىڭ جۇكسالعىشىنان ءبىر قوراپ سىرا الىپ شىعىپ، ونى جانىپ جاتقان كولىگىنە قۇيا باستادى. جالىندى تولىعىمەن ءسوندىرۋ ءۇشىن وعان سەگىز بوتەلكە سىرا قاجەت بولعان. وقيعا ورنىنا كەلگەن ءورت سوندىرۋشىلەرگە ءورتتىڭ سالدارىن جويۋ عانا قالدى. كەيىنىرەك انىقتالعانداي، ءورتتىڭ شىعۋىنا قوزعالتقىشتاعى اقاۋ سەبەپ بولعان. وكىنىشكە قاراي، كولىك جوندەۋگە كەلمەيدى، ءبىراق اقىلدى جۇرگىزۋشىنىڭ ۋاقىتىلى ارەكەتى اۆتوبانعا ەلەۋلى زاقىم كەلۋدەن ساقتادى.