اتىراۋداعى مەشىتتە جاعاۇستاتار جايت بولدى
ۆيدەودا جىگىتتىڭ ءدىني قىزمەتكەرلەردىڭ سوزىنە قۇلاق اسپاي، داۋلاسىپ جاتقانىن بايقاۋعا بولادى. كەيىن وعان تانىستارى دا قوسىلا كەتكەن.
وبلىستىق ءدىن ىستەرى باسقارماسىنىڭ باسشىسى قايروللا كوشقاليەۆتىڭ ايتۋىنشا، بۇل جايتقا قاتىستى پوليتسيا باسقارماسىنا قوڭىراۋ تۇسكەن. وندا بەلگىسىز ادامدار قالاداعى سۇلتان بەيبارىس مەشىتىندە ءدىني بىرلەستىك وكىلدەرىمەن ايقايلاسا باستاعانى جونىندە ايتىلعان. بۇل ءوز كەزەگىندە مەشىتكە كەلۋشىلەردىڭ اراسىندا الۋان پىكىردىڭ تۋىنداۋىنا اكەلىپ سوققان.
ارتى داۋ-دامايعا ۇلاسقان. پوليتسيا قىزمەتكەرلەرى بۇل ىسكە قاتىستى قاجەت قۇجاتتاردى جيناقتاپ، ءدىني باسقارماعا جولداعان. ودان ءارى ماسەلە اكىمشىلىك سوتتا قارالاتىن بولادى.
باسىلىم مالىمەتىنشە، وسىدان ءبىر اپتا بۇرىن «باقتىگەرەي موللا» مەشىتىندە دە قۇپتان نامازى كەزىندە يمامعا ۇيىعان جاماعاتتىڭ ءبىرى «ءامين» ءسوزىن داۋىستاپ ايتىپ، مەشىت قىزمەتكەرلەرىنىڭ ەسكەرتۋىن ەلەمەي، دورەكىلىك تانىتقان.