ەلورداداعى مەترو قانداي قوسىمشا باعىتتاردا دامىتىلادى
«ل ر ت ءۇش كەزەڭگە بولىنگەن. اۋەجايدان جاڭا ۆوكزالعا دەيىن سالىنىپ جاتقان ءبىرىنشى كەزەڭى 2023-جىلعا جوسپارلانعان. ارينە، ءبىز ونىڭ تەك وسى باعىتتا عانا جۇمىس ىستەمەيتىندىگىن تۇسىنەمىز. ونى قالانىڭ ورتاسىنا قاراي تارتۋ قاجەت. 2035-جىلعا دەيىن ەسكى تەمىر جول ۆوكزالىنا دەيىن تاعى ءبىر تارماق بولادى. ءبىرىنشى مەن ەكىنشى تارماق شامامەن «ازيا پارك» ساۋدا ويىن-ساۋىق ورتالىعى اۋدانىندا تۇيىسەدى. ءۇشىنشى كەزەڭدى 2050-جىلعا قاراي پايدالانۋعا بەرەمىز. بۇل ۇزاقمەرزىمدى كەلەشەككە ارنالعان جوسپار. ول قورعالجىڭ تاس جولىنا قاراي ءۇشىنشى اينالما جولعا، يلينكا ەلدى مەكەنىنە دەيىن بولادى»، - دەدى ول «استانا قالاسىنىڭ 2035-جىلعا دەيىنگى باس جوسپارىنىڭ» جاڭا جوباسى بويىنشا قوعامدىق تالقىلاۋ اياسىندا قازاقپارات تىلشىسىنە بەرگەن سۇحباتىندا.
بۇعان دەيىن ەلوردادا ەكىنشى اينالما جول قۇرىلىسى اياقتالۋعا جاقىن. سونىمەن قاتار ءۇشىنشى اينالما جول سالۋ جوسپارلانىپ وتىرعانىن جازعان ەدىك.