كەلەشەكتە ەلوردادا قانشا جول ايىرىعى سالىنادى

استانا. قازاقپارات - «استانا باس جوسپارى» ع ز ج ي» ج ش س قالالىق كولىك توبىنىڭ باس مامانى اقمارال تەمىروۆا كەلەشەكتە ەلوردادا قانشا جول ايىرىعى سالىناتىندىعىن ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا ماگيسترالدى كوشەلەر مەن جولداردىڭ قيىلىسىندا 21 جول ايىرىعى بار. ۇزاق مەرزىمدى كەلەشەكتە، ياعني 2035، 2050-جىلدارعا قاراي تاعى 64 جاڭا قۇرىلىس سالۋ جوسپارلانىپ وتىر. تاياۋ ۋاقىتتا شاعىن اينالما جولداردا بىرنەشە جول ايىرىعىن سالۋ كوزدەلگەن. ولار - قازىرگى ۋاقىتتا قۇرىلىسى جۇرگىزىلىپ جاتقان جولدار»، - دەدى ول «استانا قالاسىنىڭ 2035-جىلعا دەيىنگى باس جوسپارىنىڭ» جاڭا جوباسى بويىنشا قوعامدىق تالقىلاۋ اياسىندا قازاقپارات تىلشىسىنە بەرگەن سۇحباتىندا.

ونىڭ ناقتىلاي تۇسۋىنشە، شاعىن اينالما جول بىرنەشە كوشەدەن تۇرادى.

«شاعى اينالما جول شابال بەيسەكوۆادان باستالىپ، ۇلى دالا كوشەسىنە ۇلاسادى. ودان كەيىن قالانىڭ وڭتۇستىك-شىعىس بولىگى ارقىلى قوشقاربايەۆ كوشەسىنە ۇلاسىپ، وندىرىستىك ايماق پەن ءال-فارابي داڭعىلىن قامتيدى. تاياۋ ۋاقىتتا تەمىر جول وتكەلى اۋدانىندا، ماقتۇمق ۇلى كوشەسى مەن بوگەنباي داڭعىلىندا ەكى جول ايرىعىن سالۋ جوسپارلانىپ وتىر. 2035-جىلعا قاراي كەنەسارى كوشەسى بويىندا ءۇش كوپىر سالىنادى»، - دەدى اقمارال تەمىروۆا.