وتاندىق فەرمەرلەر ءۇشىن ديزەل وتىنىنىڭ باعاسى تومەندەتىلدى

استانا. قازاقپارات - قازمۇنايگاز كۇزگى دالا جۇمىستارىنىڭ قارساڭىندا قازاقستاندىق اۋىل شارۋاشىلىعى تاۋارىن وندىرۋشىلەر ءۇشىن ديزەل وتىنىنىڭ باعاسىن تومەندەتتى، دەپ حابارلايدى قازاقپارات قازمۇنايگاز كومپانياسىنىڭ باسپا ءسوز قىزمەتىنە سىلتەمە جاساپ.

«قازمۇنايگاز كۇزگى دالا جۇمىستارىنىڭ قارساڭىندا ق ر پرەمەر-ءمينيسترىنىڭ تاپسىرماسىن ورىنداۋ ماقساتىندا جانە قازاقستاندىق اۋىل شارۋاشىلىعى تاۋارىن وندىرۋشىلەردى (ا ش ت ءو) قولداۋ جونىندەگى مەملەكەتتىك ساياساتتى ىسكە اسىرۋ اياسىندا فەرمەرلەر ءۇشىن ديزەل وتىنىنىڭ باعاسىن وڭىرلەرگە جەتكىزۋدى ەسكەرە وتىرىپ، ليترىنە 238 تەڭگەگە دەيىن تومەندەتتى.

وتىندى جەتكىزەتىن وڭىردەگى وپەراتورلاردىڭ ەنەرگەتيكا مينيسترلىگى ۇسىنعان ليترىنە 12 تەڭگەگە دەڭگەيىندەگى مارجاسىن ەسكەرگەندە، «جەڭىلدىكپەن بەرىلەتىن» ديزەل وتىنىنىڭ شەكتى قۇنى ليترىنە 250 تەڭگەدەن اسپاۋ كەرەك. بۇل نارىقتاعى باعادان 45 تەڭگەگە ارزان (ءليترى 295 تەڭگە)» دەلىنگەن حابارلامادا.

ەگىن جيناۋ ناۋقانىندا ق ر ەنەرگەتيكا مينيسترلىگىنىڭ ماقۇلداۋىمەن 2023-جىلعا ارنالعان وبلىستاردى ق ر مۇناي وڭدەۋ زاۋىتتارىنا بەكىتۋ كەستەسىنە سايكەس، جالپى كولەمى - 426 مىڭ توننا ارزانداتىلعان ديزەل وتىنىن تاسىمالداۋ كوزدەلگەن. بۇل رەتتە شىلدە ايىندا اۋىل شارۋاشىلىعى تاۋارىن وندىرۋشىلەرىنىڭ قاجەتتىلىگىنە 90 مىڭ توننا ديزەل وتىنى جەتكىزىلدى: وسىلايشا فەرمەرلەردىڭ ديزەل وتىنىنا بەرگەن ءوتىنىشى تولىعىمەن ورىندالدى.