اقتوبە وبلىسىندا جانتۇرشىگەرلىك جول اپاتى بولدى

اقتوبە. قازاقپارات - اقتوبە وبلىسىندا جانتۇرشىگەرلىك جول اپاتى بەينەتىركەۋ كامەراسىنا ءتۇسىپ قالدى، دەپ حابارلايدى قازاقپارات.

ءى ءى م باسپا ءسوز قىزمەتىنىڭ مالىمەتىنشە، 16-تامىز كۇنى العا اۋدانىنىڭ بەستاماق اۋىلى مانىنداعى اقتوبە - استراحان اۆتوجولىندا Shacman جۇك كولىگىنىڭ جۇرگىزۋشىسى كولىك قۇرالدارىن باسىپ وزۋ كەزىندە قارسى باعىتتا كەلە جاتقان Nissan جانە Mersedes اۆتوكولىكتەرىمەن سوقتىعىسقان.

سالدارىنان جۇك كولىگى مەن Nissan جەڭىل اۆتوكولىگىنىڭ جۇرگىزۋشىلەرى ءتۇرلى جاراقاتتارمەن مەديتسينالىق مەكەمەگە جاتقىزىلدى.