مەكتەپكە قۇجات تاپسىرىپ ۇلگەرمەگەن جاعدايدا نە ىستەۋ كەرەك

استانا. قازاقپارات - بەلگىلەنگەن ۋاقىتتا مەكتەپ قۇجاتتارىن تاپسىرىپ ۇلگەرمەگەن جاعدايدا اتا- انا نە ىستەۋ كەرەك؟

بۇل ساۋالعا استانا قالاسى ءبىلىم باسقارماسىنىڭ باسشىسى قاسىمحان سەنعازيەۆ جاۋاپ بەردى، دەپ حابارلايدى قازاقپارات ءتىلشىسى.

«قۇجاتتاردى قابىلداۋ 1 -ءساۋىر مەن 1-تامىز ارالىعىندا ءجۇردى. دەگەنمەن ءبىز تۇسىنەمىز، ءارتۇرلى سەبەپپەن ۇلگەرمەي قالعان اتا- انالار بار. قۇجاتتار تاپسىرۋدا كەشىككەن اتا- انالارمەن مەكتەپتەر جانىنان كوميسسيا جۇمىس ىستەپ جاتىر. قۇجاتتاردى قاعاز تۇرىندە مەكتەپكە بارىپ تاپسىرۋعا بولادى»، - دەدى قاسىمحان سەنعازيەۆ استانا قالاسى كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.

ونىڭ ايتۋىنشا، قۇجاتتار «ەلەكتروندىق ۇكىمەت» ۆەب- پورتالى ارقىلى قابىلداندى.

ەسكە سالا كەتەيىك، ءبىرىنشى سىنىپقا قۇجاتتاردى قابىلداۋ 1-تامىزدا اياقتالدى.

وقۋ- اعارتۋ مينيسترلىگىنىڭ مالىمەتىنشە، بيىل ءبىرىنشى سىنىپقا قابىلداۋ بويىنشا 400 مىڭنان استام ءوتىنىش ءتۇستى.

بيىل مەكتەپكە باراتىن بالالاردىڭ 70 پايىزى قازاق تىلىندە ءبىلىم الۋدى تاڭداعان. قالعاندارى ورىس، ۇيعىر جانە تاجىك تىلدەرىندە وقيدى.