ءبىر شەتەلدىك تۋريست قازاقستانعا قانشا تابىس اكەلەدى
بۇل تۋرالى مادەنيەت جانە سپورت مينيسترلىگىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.
ۇلتتىق بانك دەرەگىنە سايكەس، قازاقستانعا الىس شەت مەملەكەتتەردەن ساپارلايتىن 1 تۋريست ورتا ەسەپپەن 1500 دوللار كولەمىندە تابىس اكەلەدى. ءار شەتەلدىك تۋريست 2 جۇمىس ورنىن اشۋعا سەبەپ بولادى.
بىلتىر ەلىمىزگە 1 ميلليونعا جۋىق شەتەلدىك تۋريست كەلگەن. ناتيجەسىندە تۋريزم قىزمەتىنەن تۇسكەن سالىق مولشەرى 389 ميلليارد تەڭگەگە دەيىن جەتىپ، رەكوردتى ناتيجە تىركەلدى. ونىڭ ىشىندە ەلىمىزدەگى ورنالاستىرۋ ورىندارى 183 ميلليارد تەڭگە تابىس تاپقان.
«ەلىمىزدە سوڭعى ەكى جىلدا تۋريزم سالاسىندا جۇمىس ىستەيتىندەردىڭ سانى ايتارلىقتاي ارتىپ، 500 مىڭعا جۋىقتادى. مادەنيەت جانە سپورت مينيسترلىگى 2029 -جىلعا دەيىن تۋريزم سالاسىندا 800 مىڭعا جۋىق ادامدى جۇمىسپەن قامتۋدى جوسپارلاپ وتىر»، - دەدى مادەنيەت جانە سپورت ۆيتسە-ءمينيسترى ەرجان ەركىنبايەۆ.