قازاقستان مەن وڭتۇستىك كورەيا ساۋدا سالاسىنداعى ىنتىماقتاستىقتى نىعايتۋدا

استانا. قازاقپارات - قازاقستان رەسپۋبليكاسىنىڭ كورەيا رەسپۋبليكاسىنداعى ەلشىسى نۇرعالي ارىستانوۆ كورەيا رەسپۋبليكاسىنىڭ ساۋدا ءمينيسترى ان دوك كىنمەن كەزدەسۋ وتكىزدى، دەپ حابارلايدى ق ر س ءى م باسپا ءسوز قىزمەتى.

كەزدەسۋ بارىسىندا ەكىجاقتى ساۋدا-ەكونوميكالىق ىنتىماقتاستىقتى ودان ءارى كەڭەيتۋ جولدارى تالقىلاندى. تاراپتار سوڭعى جىلدارداعى قازاقستان مەن وڭتۇستىك كورەيا اراسىنداعى ساۋدانىڭ قارقىندى وسۋىنە قاناعاتتانۋشىلىق ءبىلدىردى.

ماسەلەن، كورەي ستاتيستيكاسىنا سايكەس، 2022 -جىلى تاۋار اينالىمى رەكوردتىق كورسەتكىشتەرگە جەتىپ، 6,5 ميلليارد دوللار قۇرادى جانە وتكەن جىلمەن سالىستىرعاندا 2 ەسەگە ءوستى.

ايتا كەتۋ كەرەك، قازاقستاندىق ەكسپورتتىڭ ءوسىمى 0 قۇراپ، وڭ سەرپىن كورسەتتى.

سونداي-اق، كەزدەسۋ بارىسىندا ينۆەستيتسيالىق ىنتىماقتاستىق ماسەلەلەرى تالقىلاندى. بۇگىنگى تاڭدا وڭتۇستىك كورەيا - قازاقستان ەكونوميكاسىنىڭ 6-شى ەڭ ءىرى ينۆەستورى. مينيستر ان دوك كىن وڭتۇستىك كورەيا ۇكىمەتىنىڭ باسىم باعىتتارىنىڭ ءبىرى يندۋستريالىق سەكتوردى جانە كورەي كومپانيالارىن حالىقارالىق نارىققا، ونىڭ ىشىندە قازاقستانعا جۇمىلدىرۋ ەكەنىن اتاپ ءوتتى.

كەزدەسۋ قورىتىندىسى بويىنشا تاراپتار ديالوگتى تۇراقتى نەگىزدە جۇرگىزۋگە كەلىستى.