الماتى وبلىسىنىڭ تۇرعىندارى ەرەۋىلگە شىقتى

قونايەۆ. قازاقپارات - الماتى وبلىسى، ىلە اۋدانىنىڭ تۇرعىندارى ەرەۋىلگە شىقتى، دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتىنىڭ مالىمەتىنشە، 14-تامىز كۇنى كەشكى ساعات 20:35 شاماسىندا اشىبۇلاق اۋىلدىق وكرۋگىنە قاراستى «جومارت» باۋ-باقشا سەرىكتەستىگىنىڭ تۇتىنۋشىلار كووپەراتيۆىنىڭ تۇرعىندارى ساياجايدىڭ جاڭا ءتوراعاسىنىڭ جالپى جينالىسسىز سايلانعانىنا نارازىلىق ءبىلدىردى. سول سەبەپتى 25-30 ادام ەرەۋىلگە شىقتى.

وقيعا ورنىنا جەدەل تۇردە پوليتسيا، پروكۋراتۋرا مەن اكىمشىلىك قىزمەتكەرلەرى كەلدى.

«اڭگىمەلەسۋ بارىسىندا 16-تامىز كۇنى جاڭادان سايلانعان ءتوراعاعا قاتىستى تۇرعىندارمەن كەزدەسۋ وتكىزۋ تۋرالى شەشىم قابىلداندى. قوعامدىق ءتارتىپتى بۇزۋ فاكتىلەرى بولعان جوق»، - دەپ حابارلادى الماتى وبلىستىق پ د باسپا ءسوز قىزمەتىنەن.