تامىز ايىندا ديزەل وتىنى ىشكى نارىقتا جەتكىلىكتى بولا ما
«مۇناي وڭدەۋ زاۋىتتارىنان جونەلتىلگەن كولەمدى ەسكەرە وتىرىپ، ەلدىڭ مۇناي بازالارىنداعى ديزەل وتىنىنىڭ جيىنتىق قالدىعى 504 مىڭ توننانى قۇرادى. بۇل كولەم ورتا ەسەپپەن 28 كۇنگە جەتەدى. ونىڭ ىشىندە مۇناي وڭدەۋ زاۋىتتارىنداعى قور 67,6 مىڭ توننا دەڭگەيىندە»، - دەلىنگەن ەنەرگەتيكا مينيسترلىگىنىڭ مالىمەتىندە.
ۆەدومستۆو مالىمەتىندە، قازىر ديزەل وتىنىنا قاتىستى ەلەۋلى پروبلەما جوق. الدىن الا ەسەپ بويىنشا تامىز ايىندا ىشكى نارىققا 500 مىڭ توننا ديزەل وتىنى كەرەك بولعان. دەگەنمەن، وسى ايدا 526 مىڭ توننا وندىرىلەتىن بولدى.
بۇل تۇرعىدا وسى وتىن ءتۇرىنىڭ جالپى كولەمى 1009 مىڭ توننانى قۇرايدى. ياعني تامىز ايىنىڭ باسىنداعى 483 مىڭ توننا قالدىققا جالپى وندىرىلەتىن 526 مىڭ توننا كولەمدى قوسقاندا وسى كولەم شىعىپ تۇر.
«مۇناي وڭدەۋ زاۋىتتارىنىڭ قازىرگى ءوندىرۋ كولەمى ىشكى نارىقتى تولىعىمەن قامتاماسىز ەتەدى. تامىز ايىنىڭ سوڭىنداعى ديزەل وتىنىڭ قالدىعى شامامەن 513 مىڭ توننانى قۇرايدى»، - دەپ اتالىپ وتكەن ەنەرتەگيكا مينيسترلىگى اقپاراتىندا.
بۇدان بۇرىن حابارلانعانداي، 15-تامىزداعى جاعداي بويىنشا ەلدىڭ مۇناي بازالارىندا اي-92 ماركالى بەنزينىنىڭ جيىنتىق قالدىقتارى 262 مىڭ توننانى قۇرادى. بۇل كولەم ورتا ەسەپپەن 19 كۇنگە جەتەدى.