يران بيلىگى ەكس- پرەزيدەنت حاسان روۋحانيگە قارسى ءىس قوزعادى
22:49, 15 - تامىز 2023
استانا. قازاقپارات - يران ءدىن ىستەرى جونىندەگى ارنايى پروكۋراتۋراسى ەلدىڭ ەكس- پرەزيدەنتى حاسان روۋحانيگە قارجى نارىقتارىنداعى ايلا- شارعى جاساۋىنا بايلانىستى ءبىرقاتار ءىس قوزعادى، دەپ حابارلايدى قازاقپارات ارمەنپرەسس اقپارات اگەنتتىگىنە سىلتەمە جاساپ.
ەندى ول سوت الدىندا ءبىرقاتار سۇراققا جاۋاپ بەرۋى ءتيىس، دەپ مالىمدەدى يران سوت بيلىگىنىڭ رەسمي وكىلى ماسۋد سەتايەشي.
«ءدىن ىستەرى جونىندەگى ارنايى پروكۋراتۋرادا ءدىن قىزمەتكەرلەرى اراسىندا لاۋازىمى مەن دارەجەسى بار يراننىڭ بۇرىنعى پرەزيدەنتى روۋحانيگە قارسى بىرنەشە ءىس قوزعالدى، ول ءتيىستى قۇزىرەتتى ساقتايدى، بۇرىنعى پرەزيدەنت سوتتا ءتيىستى ورگان الدىندا ءبىرقاتار سۇراققا جاۋاپ بەرۋى كەرەك ءتيىس»، - دەدى سەتايەشي.
ول سونداي- اق بۇل ءىس ءروۋحانيدىڭ ۆاليۋتالىق ايلا- شارعىسىنا، سونداي- اق يراننىڭ قور نارىعىنىڭ جۇمىسىنا ارالاسۋىنا بايلانىستى قوزعالعانىن اتاپ ءوتتى.