ەلىمىزدەگى بەنزين قورى نەشە كۇنگە جەتەدى

استانا. قازاقپارات - ەنەرگەتيكا مينيسترلىگى ەلىمىزدىڭ ىشكى نارىعىن جانارمايمەن قامتاماسىز ەتۋدىڭ قازىرگى جاعدايىنا قاتىستى تۇسىنىك بەردى، دەپ حابارلايدى قازاقپارات ءتىلشىسى.

«تامىز ايىندا وندىرىلەتىن جانار- جاعارماي كولەمى ەلدىڭ ىشكى نارىعىندا قاجەت كولەمدى جابادى. مۇناي وڭدەۋ زاۋىتتارىنان جونەلتىلگەن كولەمدى ەسكەرە وتىرىپ، 15-تامىزداعى جاعداي بويىنشا ەلدىڭ مۇناي بازالارىندا ا ي-92 ماركالى بەنزينىنىڭ جيىنتىق قالدىقتارى 262 مىڭ توننانى قۇرادى. بۇل كولەم ورتا ەسەپپەن 19 كۇنگە جەتەدى، ونىڭ ىشىندە م و ز- دەگى قور - 12,1 مىڭ توننا»، - دەلىنگەن مينسترلىك مالىمەتىندە.

سونىمەن قاتار، ا ي-95 ماركالى بەنزينىنىڭ قورى 48 مىڭ توننانى قۇراپ، 16 كۇنگە جەتەدى. سونىڭ اراسىندا مۇناي وڭدەۋ زاۋىتتارىنداعى قور 4,2 مىڭ توننانى قۇرادى.

«بيىلعى تامىز ايىندا 403 مىڭ توننا اي-92 بەنزينىن ءوندىرۋ جوسپارلانعان. جالپى، ىشكى نارىقتاعى سۇرانىس شامامەن 380 مىڭ توننا بولادى دەپ ەسكەرىلگەن. تامىز ايىنىڭ باسىنداعى 265 مىڭ توننا كولەمىندەگى قالدىقتى ەسكەرە وتىرىپ، وتىننىڭ وسى ءتۇرىنىڭ جالپى كولەمى 668 مىڭ تونناعا جەتەدى. بۇل تۇرعىدا قازىرگى ءوندىرىس بەنزين بويىنشا ىشكى سۇرانىستى تولىعىمەن جابادى. ا ي-92 قالدىعى تامىز ايىنىڭ سوڭىندا 291 مىڭ توننانىڭ قۇراماق»، - دەپ اتالىپ وتكەن ۆەدومستۆو اقپاراتىندا.

شىمكەنت مۇناي وڭدەۋ زاۋىتىندا اتقارىلعان جۇمىستاردى جانە وسى زاۋىتتا ا ي-95 ءوندىرۋ بولماعانىن ەسكەرە وتىرىپ، تەڭگەرىمدى ساقتاۋ ءۇشىن ا ي-95 يمپورتى جوسپارلانعان بولاتىن. پەتروسان 70 مىڭ توننا، گازپرومنەفت 12 مىڭ تونناعا كەلىسىمشارت جاسادى. تامىز ايىندا يمپورت - 21 مىڭ توننا.

ەستەرىڭىزگە سالا كەتەيىك، ا ي-95 ماركالى بەنزينىنە شەكتى باعا بويىنشا مەملەكەتتىك رەتتەۋ قولدانىلمايدى. بۇل رەتتە باعا نارىقتاعى سۇرانىس پەن ۇسىنىس نەگىزىندە ايقىندالادى.

اتاپ ايتقاندا، ءبىر ليتر ا ي-92 اۆتوبەنزينىنىڭ شەكتى باعاسى مەملەكەتتىك باعا رەتتەۋگە بايلانىستى 205 تەڭگەدەن اسپاۋى ءتيىس.