مەكتەپتەردە حيدجاب كيۋگە رۇقسات بەرىلە مە

استانا. قازاقپارات - وقۋ-اعارتۋ ءمينيسترى عاني بەيسەمبايەۆ وقۋشىلاردىڭ حيبداج كيىپ مەكتەپكە كەلۋىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

ۇكىمەت وتىرىسىنان كەيىن وتكەن باسپا ءسوز ءماسليحاتىندا ب ا ق وكىلدەرى وقۋ-اعارتۋ ءمينيسترى عاني بەيسەمبايەۆتان مەكتەپتەردە حيدجاب كيۋگە رۇقسات بەرىلە مە؟ - دەگەن ساۋال قويدى.

«ءبارىمىز بىلەمىز، كونستيتۋتسيادا جازىلعانداي، ءبىز زايىرلى مەملەكەتپىز. سوندىقتان مەملەكەت تە، مەكتەپتەر دە كونستيتۋتسياعا سايكەس ءومىر ءسۇرۋى كەرەك دەپ ويلايمىن. زايىرلى مەملەكەتتىك زاڭدى ورىنداۋعا ءتيىسپىز. مەكتەپتە بالالاردىڭ ءبىلىم داعدىلارىن قالىپتاستىرعان كەزدە ول زاڭ تالاپتارىنا سايكەس جۇرگىزىلۋى كەرەك»، - دەگەن جاۋاپ قاتتى عاني بەيسەمبايەۆ.

ايتا كەتەيىك، مينيستر اتالعان ساۋالعا ناقتى «ءيا» نەمەسە «جوق» دەمەدى.