جۋرناليست ساندۋعاش دۇيسەنوۆاعا قاتىستى قىلمىستىق ءىس توقتاتىلدى
باسپا ءسوز قىزمەتىنىڭ مالىمەتتەرىنە قاراعاندا، ساندۋعاش دۇيسەنوۆاعا قاتىستى ومىرگە قول سۇعىلماۋشىلىقتى جانە دەربەس دەرەكتەر مەن ولاردى قورعاۋ تۋرالى زاڭنامانى بۇزۋ فاكتىسى بويىنشا قىلمىستىق ءىس قوزعالعانى بەلگىلى (قىلمىستىق كودەكستىڭ 147-بابى 5-بولىگى).
2023-جىلعى 14- تامىزدا دۇيسەنوۆا جەتىسۋ وبلىسىنىڭ پروكۋرورى ماديار باسشىبايەۆپەن قىلمىستىق جاۋاپكەرشىلىككە تارتۋ ماسەلەسى بويىنشا جەكە قابىلداندى.
ونىڭ دالەلدەرىن ەسكەرە وتىرىپ، پروكۋراتۋرا زەرتتەۋ ءۇشىن قىلمىستىق ءىستى سۇراتىپ الدى.
قىلمىستىق كودەكستىڭ 147-بابىنىڭ 5-بولىگىنە سايكەس قىلمىستىق جاۋاپتىلىق بۇقارالىق اقپارات قۇرالدارىندا دەربەس دەرەكتەردى زاڭسىز تاراتۋ ناتيجەسىندە ادامنىڭ قۇقىقتارى مەن زاڭدى مۇددەلەرىنە ەلەۋلى زيان كەلتىرىلگەن جاعدايدا تۋىندايدى.
الايدا، تەرگەۋ ورگانى زاڭنامادا كوزدەلگەن تەرگەۋ مەرزىمىندە جابىرلەنۋشىگە ەلەۋلى زيان كەلتىرىلگەنىن راستايتىن جەتكىلىكتى ناقتى دەرەكتەردى انىقتاعان جوق.
وسىعان بايلانىستى، تالدىقورعان قالاسى پروكۋرورىنىڭ قاۋلىسىمەن سوتقا دەيىنگى تەرگەۋ ءىس-ارەكەتتە قىلمىستىق قۇقىق بۇزۋشىلىق قۇرامىنىڭ بولماۋىنا بايلانىستى توقتاتىلدى (قىلمىستىق ءىس جۇرگىزۋ كودەكسىنىڭ 35-بابى 1-بولىگى 2-تارماعى).
ەگەر بۇل ارەكەتتەردە قىلمىستىق جازالاناتىن ءىس-ارەكەت بەلگىلەرى بولماسا، بۇل رەتتە اكىمشىلىك قۇقىق بۇزۋشىلىق تۋرالى كودەكستە دەربەس دەرەكتەردى زاڭسىز جيناۋ جانە (نەمەسە) وڭدەۋ ءۇشىن جاۋاپكەرشىلىك كوزدەلگەن.
سوندىقتان ماتەريالدار اكىمشىلىك قۇقىق بۇزۋشىلىق تۋرالى زاڭناماعا سايكەس ولاردى قاراۋ ءۇشىن اقپاراتتىق قاۋىپسىزدىكتى قامتاماسىز ەتۋ سالاسىنداعى ۋاكىلەتتى ورگانعا جولداندى.
وسىعان دەيىن تالدىقورعاندا جۋرناليست ساندۋعاش دۇيسەنوۆانىڭ ۇستالعانىن جازدىق.
اقپارات مينيسترلىگى جۋرناليست ساندۋعاش دۇيسەنوۆا ىسىنە قاتىستى پىكىر ءبىلدىردى.
ق ر ىشكى ىستەر مينيسترلىگىنىڭ وكىلدەرى ساندۋعاش دۇيسەنوۆانى تىنتۋدە پوليتسيا قاتەلىگى بولسا، كەشىرىم سۇراۋعا دايىن ەكەنىن مالىمدەدى.
سونداي-اق ق ر ءى ءى م ساندۋعاش دۇيسەنوۆانى پوليتسەيلەر نە ءۇشىن شەشىندىرىپ، ۆيدەوعا تۇسىرگەنىن ءتۇسىندىردى.