گۇل دۇكەنىندەگى جاعداي: بۇزاقى پوليتسەيدىڭ جانىنداعى باسقارما باسشىسىنىڭ ورىنباسارى جازالاندى
شىمكەنتتە گۇل ساتۋشىنى ۇرعان بۇزاقىنىڭ قاسىنداعى ەكىنشى ادام ەڭبەكشى اۋدانى بويىنشا مەملەكەتتىك كىرىستەر باسقارماسى باسشىسىنىڭ ورىنباسارى بولىپ شىقتى.
الەۋمەتتىك جەلىدە تاراعان ۆيدەودان مەملەكەتتىك قىزمەتكەردىڭ قۇقىق بۇزۋشىنىڭ قاسىندا بىرگە جۇرگەنىن كورۋگە بولادى.
«مەملەكەتتىك قىزمەتشىلەرگە تارتىپتىك جازا قولدانۋ قاعيدالارىنىڭ 34-تارماعىنا سايكەس د. ەلقوندىعا قازاقستان رەسپۋبليكاسى مەملەكەتتىك قىزمەتشىلەرىنىڭ ادەپ كودەكسىنىڭ نورمالارىن بۇزعانى ءۇشىن تارتىپتىك جازا قولدانۋ ماقساتىندا ماتەريالدار شىمكەنت قالاسى بويىنشا مەملەكەتتىك كىرىستەر دەپارتامەنتىنىڭ باسشىسىنا جولداندى. ناتيجەسىندە دەپارتامەنت باسشىسىنىڭ 14-تامىزداعى بۇيرىعىمەن د. ەلقوندىعا قاتاڭ سوگىس تۇرىندەگى تارتىپتىك جازا قولدانىلدى» دەلىنگەن شىمكەنت قالاسى بويىنشا مەمكىرىستەر دەپارتامەنتىنىڭ باسپا ءسوز قىزمەتى تاراتقان اقپاراتتا.
ەسكە سالا كەتەيىك، گۇل دۇكەنىندەگى ۆيدەوعا شىمكەنت پروكۋراتۋراسى تۇسىنىك بەرگەن ەدى.
كەيىن ىشكى ىستەر مينيسترلىگى شىمكەنتتەگى گۇل دۇكەنىندە ەكى بولەك وقيعا بولعانىن حابارلاپ، ءار جايت بويىنشا رەسمي اقپاراتتاندىردى.
سونداي-اق بۇزاقىنىڭ قاسىندا مەمكىرىستەر دەپارتامەنتىنىڭ قىزمەتكەرى ەرىپ جۇرگەنىن جازعان بولاتىنبىز.