نازاربايەۆ ۋنيۆەرسيتەتىن قارجىلاندىرۋ كولەمى جىلدان-جىلعا ازايىپ كەلەدى

استانا. قازاقپارات - بيىل نازاربايەۆ ۋنيۆەرسيتەتىن قارجىلاندىرۋعا از قاراجات ءبولىندى.

بۇل تۋرالى ق ر عىلىم جانە جوعارى ءبىلىم مينيسترلىگى ءمالىم ەتتى، دەپ حابارلايدى قازاقپارات ءتىلشىسى.

«2020 -جىلى نازاربايەۆ ۋنيۆەرسيتەتىن قارجىلاندىرۋعا رەسپۋبليكالىق بيۋدجەتتەن 55243246600 تەڭگە، 2021 -جىلى - 57384102200 تەڭگە، 2022 -جىلى - 45038666700 تەڭگە، ال 2023 -جىلى - 42571878800 تەڭگە ءبولىندى. سوڭعى ەكى جىلدا قارجىلاندىرۋ سوماسى وتكەن جىلدارمەن سالىستىرعاندا ازايدى»، - دەپ جاۋاپ بەردى مينيسترلىك قازاقپارات ساۋالىنا.

بۇعان دەيىن ءماجىلىس دەپۋتاتى اسحات ايماعامبەتوۆ نازاربايەۆ ۋنيۆەرسيتەتى مەن زياتكەرلىك مەكتەپتەر اناعۇرلىم اشىق بولۋى كەرەكتىگىن ايتقان ەدى.