جامبىل وبلىسىنىڭ پوليتسەيلەرى ەسىرتكىنىڭ اسا ءىرى پارتياسىن تاركىلەدى
جامبىل وبلىستىق پوليتسيا دەپارتامەنتى بەرگەن مالىمەتتەرگە سۇيەنسەك، ءتىنتۋ كەزىندە ەرەكشە ءيىسى بار وسىمدىك تەكتەس زات بار ءۇش پوليەتيلەن قاپ تاركىلەنگەن. سوت- حيميالىق ساراپتامانىڭ قورىتىندىسىنا سايكەس، 9 ك گ 880 گ ر كەپتىرىلمەگەن ماريحۋانا مەن سالماعى 10 ك گ 730 گ ر بولاتىن كاننابيس ەسىرتكى زاتى الىنعان.
«ۇستالعاندار كىناسىن مويىنداپ، شۋ قالاسىنىڭ ۋاقىتشا ۇستاۋ يزولياتورىنا قاماۋعا الىندى. قازىرگى ۋاقىتتا وسى دەرەك بويىنشا قازاقستان رەسپۋبليكاسى قىلمىستىق كودەكسىنىڭ 296-بابى 4-بولىگى، ياعني ەسىرتكى قۇرالدارىن اسا ءىرى مولشەردە زاڭسىز ساقتاۋ بويىنشا سوتقا دەيىنگى تەرگەپ- تەكسەرۋ باستالدى. وسى باپتىڭ سانكتسياسى 3 جىلدان 7 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازانى كوزدەيدى، - دەدى وبلىستىق پوليتسيا دەپارتامەنتى ەسىرتكى قىلمىسىنا قارسى ءىس- قيمىل باسقارماسىنىڭ باستىعى پوليتسيا پودپولكوۆنيگى ءالىم باجىقبايەۆ.
بۇعان دەيىن جامبىلدىق پوليتسەيلەر اۋىل تۇرعىنىنان 50 كەلىدەن استام ەسىرتكى تاركىلەگەنىن حابارلاعان بولاتىنبىز.